ىشتەن جارىپ الۋ بالانىڭ ميىنا كەرى اسەر ەتەدى

كانادالىق عالىمداردىڭ تۇجىرىمى وسىنداي. ناقتىراق ايتقاندا، ولار وسىنداي جولمەن دۇنيە ەسىگىن اشقان بالانىڭ ءبىر نارسەگە (ول بەينە بولسىن، مەيلى قۇبىلىس بولسىن، مەيلى دىبىس بولسىن، ت. ب. ) نازار اۋدارىپ، ونىڭ ءمان- ماعىناسىن ايقىنداي الاتىن قابىلەتىن تومەندەتەتىنىن العا تارتىپ وتىر.
كانادالىق عالىمدار ءۇش ايلىق نارەستەلەرگە تاجىريبە جۇرگىزىپ كورگەن. ولاردىڭ ءبىر بولىگى تابيعي جولمەن، ال ەندى ءبىر بولىگى الگىندەي جولمەن دۇنيەگە كەلگەندەر. Daily Mail اقپارات كوزىنىڭ حابارىنا قاراعاندا، زەرتتەۋشىلەر ەڭ الدىمەن ولاردىڭ كوز قاراشىعىنىڭ قالاي قوزعالاتىنىنا نازار اۋدارعان - ولاردىڭ نازارىن قانداي ۆيزۋالدى بەينە اۋداراتىنىن قاداعالاعان. سودان كەيىن ولاردىڭ نازارىن وزىنە كوبىرەك اۋدارعان بەينەلەردى مونيتوردىڭ وڭ نەمەسە سول جاعىنان كەزەك كورسەتكەن.
نارەستەنىڭ كوز قاراشىعىنىڭ قوزعالىس جىلدامدىعىنا قاراپ، ەكراننىڭ قاي بولىگىنەن كەزەكتى كارتينكانى كۇتەتىنىن قاداعالاعان. سونىمەن، عالىمدار ىشتەن جارىپ الىنعان بالانىڭ كوز قاراشىعىنىڭ باياۋ قوزعالاتىنىن اڭداعان.
اتالعان زەرتتەۋدى جۇرگىزۋ تۋرالى باستاما كوتەرىپ، سونى ىسكە اسىرعان سكوتت ادلەر وسىنداي تۇجىرىمعا كەلىپ، جاڭالىعىمەن ءبولىستى. ايتا كەتەيىك، جىلدان جىلعا بوسانۋدان قورقىپ، ىشتەن جارىپ الۋ ءادىسىن تاڭدايتىنداردىڭ قاراسى كوبەيىپ كەلەدى. بۇل ءوز كەزەگىندە بالانىڭ دەمىكپەمەن اۋىرۋ، 1 تيپتەگى سۋسامىر دەرتىنە شالدىعۋ جانە سەمىرۋ قاتەرىن ارتتىرادى. عالىمداردىڭ پىكىرىنە قۇلاق تۇرسەك، بۇل بوسانۋ كەزىندە اناسىنىڭ بويىنان الاتىن، اتالعان اۋرۋلاردان قورعايتىن باكتەريالاردىڭ ىشتەن جارىپ الۋ كەزىندە جوعالىپ كەتۋىمەن بايلانىستى كورىنەدى.
بالالار امان بولسىن!
islam.kz