الماتى وبلىسىندا وتكەن كورمەگە قولونەر شەبەرىنىڭ بۇيىمدارى قويىلدى - فوتو

كورمەلەردە قولدان جاسالعان ءتۇرلى بۇيىمدار، سپورتتاعى جەتىستىكتەر، ءاربىر اۋداندى ءبىر- بىرىنەن ەرەكشەلەپ تۇراتىن باسقا دا زاتتار قويىلدى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن.
الماتى وبلىسى سارقان قالاسىنىڭ قولونەر شەبەرى مۇراتبەك تالياتي اعاشتان، سۇيەكتەن، تەرىدەن جاساعان بۇيىمدارىن اۋدانداردىڭ مادەني كۇندەرى شەڭبەرىندە كورمەگە قويىپ، بۇل كورمەسىن قازاق حاندىعىنىڭ 550 جىلدىعىنا ارنادى.
مۇندا كەلۋشىلەرگە قوبىزدار، كادەسىي تۇرىندەگى ۇلتتىق قارۋلار تۇرلەرى، ىدىستار، ءتۇرلى قولونەر بۇيىمدارى، اعاش كارتينالار ۇسىنىلدى. بۇل تالانتتى جاستىڭ قولىنان شىققان بۇيىمداردىڭ ءبىر بولىگى عانا. قاراعاش، تەرەك، ءتۇرلى بۇلدىرگەن، تەرى - مۇنىڭ ءبارى شەبەردىڭ قولىنان شىققاندا ەرەكشە بۇيىمعا اينالىپ سالا بەرەدى.
مۇراتبەكتىڭ ايتۋىنشا، اعاشتان ءتۇرلى بۇيىمدار جاساۋدى ول بالا كەزىنەن باستاعان. بۇل ونەرگە دەن قويۋىنا اكەسى ىقپال ەتىپتى، قىزىعۋشىلىقپەن باستاعان ءىس بىرتە- بىرتە نەگىزگى كاسىبىنە اينالعان.
- نەگىزى، مەن بۇل ونەردى ءوز بەتىممەن ۇيرەندىم. ءوزىمدى جەتىلدىرۋ ءۇشىن وزگە قالالارعا ساپارلاپ، شەبەرلەرمەن پىكىر الىسامىن. ءسويتىپ بىرتە- بىرتە ءوزىمنىڭ ءستيلىمدى قالىپتاستىرىپ كەلەمىن. بۇل ىستە قولدىڭ عانا شەبەر بولۋى جەتكىلىكسىز. وسى رەتتە حالقىمىزدىڭ ونەرى مەن مادەنيەتىن، تاريحىن بىلۋگە كوپ كوڭىل بولەمىن. سوندىقتان وسى كورمەمدى قازاق حاندىعىنىڭ 550 جىلدىعىنا ارناپ وتىرمىن، - دەيدى شەبەر.