سوڭعى كۇندەرى باسپانا ساۋداسى ارتتى

استانا. قازاقپارات - سوڭعى 3 كۇندە باسپانا ساۋداسى ارتتى.
None
None

بۇل تۋرالى بۇگىن استانادا وتكەن باسپا ءسوز ءماسليحاتىندا قازاقستاننىڭ قۇرىلىس سالۋشىلار قاۋىمداستىعىنىڭ اتقارۋشى ديرەكتورى اسلان تۇكيەۆ ءمالىم ەتتى.

سوڭعى كۇندەردەگى وقيعالار ەلىمىز بويىنشا باسپانا ساۋداسىنا تۇزەتۋلەر ەنگىزگەنىنە توقتالعان ول، «تەڭگە باعامىنىڭ وزگەرۋىنە قاراماستان وتكەن 3-4 كۇندە باسپانا ساۋداسى ارتتى. بۇل جايىندا مەن ناقتى ايتا الامىن. ادامدار قولدارىندا بار قارجىنى ءتيىمدى جۇمساۋعا ارەكەت جاساۋدا»، - دەدى.

ا. تۇكيەۆتىڭ پايىمىنشا، بۇعان كەيبىر قۇرىلىس سالۋشىلار ۆاليۋتا باعامىن 180 تەڭگە، ال كەيبىرەۋلەرى 198 تەڭگە دەڭگەيىندە ۇستاپ تۇرۋى سەبەپ بولۋدا.

«سوندىقتان دا قازىرگى كەزدە باسپانا الۋعا نيەتتەنىپ جۇرگەن ادامدارعا ساتىپ الۋ مۇمكىندىگى بار جانە تۇرعىندار بۇگىندە ءدال سولاي ىستەپ تە جاتىر. ارينە، باعامنىڭ اعىمداعى دەڭگەيىن، ياعني بانكتەردەگى سەكىلدى ءبىر دوللارعا 252 تەڭگەدەن ۇستاپ تۇرعان قۇرىلىسشىلار دا بار. بۇلاردا ساتىلىم ايتارلىقتاي تومەن»، - دەدى ول.

قاۋىمداستىق وكىلدەرىنىڭ ايتۋىنشا، ۇزاق مەرزىمدى بولاشاقتا باعانىڭ وسۋىنە نەمەسە قۇلدىراۋىنا بولجاۋ جاساۋ مۇمكىن ەمەس.

«بۇنى ۇكىمەتتىڭ قانداي ۇستانىمدا بولاتىندىعى ايقىندايدى. ياعني، وسىعان تۇرعىن ءۇي نارىعىن دامىتۋ ءۇشىن، سونداي-اق نارىقتى نەسيەلەندىرۋ مۇمكىندىگىن ارتتىرۋ ءۇشىن ىنتالاندىرۋشى، قولداۋ كورسەتۋگە نەگىزدەلگەن باعدارلامالاردىڭ بولۋى ىقپال ەتەدى»، - دەدى ا. تۇكيەۆ.

اۆتور: رۋسلان عابباسوۆ

سوڭعى جاڭالىقتار