13:57, 21 - تامىز 2015 | GMT +5
دارىگەرلەردىڭ قاتەلىگىنەن ساۋ بۇيرەگىنەن ايىرىلدى
استانا. قازاقپارات - قۇقىق قورعاۋ ورگاندارى قاتەلەسىپ، پەتەربور تۇرعىنىنىڭ بۇيرەگىن الىپ تاستاعان حيرۋرگتەردىڭ جۇمىسىن تەكسەرىپ جاتىر.

«وتكەن جىلى 2 - قاڭتاردا دينامو داڭعىلىندا ورنالاسقان № 31 قالالىق كلينيكالىق اۋرۋحاناعا بۇيرەگىندەگى تاستارعا شاعىمدانعان ەر ادام ءتۇستى. ول ءتيىستى راسىمدەۋدەن ءوتىپ، اۋرۋحاناعا جاتقان. ءبىراق مەديتسينا قىزمەتكەرلەرى نەمقۇرايلىق تانىتىپ، دۇرىس ەمدەمەگەن» ، - دەيدى وڭىرلىك تەرگەۋ كوميتەتىندەگىلەر.
دارىگەرلەر قاتەلەسىپ، ونىڭ وڭ جاقتاعى ساۋ بۇيرەگىن الىپ تاستاعان.
«دەنساۋلىققا اۋىر زارداپ اكەلگەن ءومىر مەن دەنساۋلىق قاۋىپسىزدىگىنىڭ نورمالارىنا سايكەس كەلمەيتىن قىزمەت كورسەتۋ» بابى بويىنشا قىلمىستىق ءىس قوزعالدى.