تاي ەلىنەن باق تايدى

استانا. قازاقپارات - ءۇندى- قىتاي جانە مالاككا جارتى ارالىندا ورنالاسقان تاي ەلىنەن تاعى دا تىنىشتىق كەتتى. 70 ميلليوننان استام حالقى بار وڭتۇستىك شىعىس ازيادا ورنالاسقان بۇل ەل، «الداعى كۇندەر قالاي بولادى؟ » دەپ ءبىر ۇرەي قۇشاعىنا كىرگەنى راس.
None
None

ويتكەنى ەل استاناسىندا بولعان بىرنەشە جارىلىس جۇرتتى وسىنداي ويعا جەتەلەۋدە. ناقتىلاي تۇسەتىن بولساق، تايلاند استاناسىنىڭ ورتالىعىندا جويقىن جارىلىس بولدى. بانگكوك پوليتسياسى جارىلىستىڭ تەراكت ەكەنىن رەسمي مالىمدەدى. جارىلىس ءبىر ەر ادامنىڭ ورىنداۋىندا بولعان. ول بەينەباقىلاۋ كامەراسىنا ءتۇسىپ قالعان. بەينە كامەرادا ءبىر ادام كوشە بويىنداعى ورىندىقتا وتىرعان. جانىندا ۇلكەن جول قابى بولدى. ءبىرازدان سوڭ ول ورنىنان تۇرىپ، جەدەل باسىپ كەتىپ قالعان. سومكەسى ورىندىقتا قالىپ قويعان. ارتىنشا تالاي ادامنىڭ جانىن قيعان جارىلىس ورىن الدى. «بۇل جاي عانا كۇدىكتى ادام ەمەس، لاڭكەستىڭ ءداپ ءوزى. قاندى تەراكتىنى ۇيىمداستىرعان سول ادام. ونىڭ سىرتىندا وسى جارىلىسقا قاتىسى بار وزگە دە ادامدار بولۋى ءتيىس. قالايدا ولاردى تابۋىمىز كەرەك» دەيدى بانگكوك پوليتسەيى.

 ارادا بىرەر كۇن وتكەن سوڭ، ەل استاناسى بانگكوكتا تاعى دا جارىلىستار بولدى. بىرنەشە ادامنىڭ ءومىرى قيىلدى. جالپى، بىلتىردان بەرى تاي ەلى تاعدىردىڭ تالايىنا تاپ بولۋدا. ماسەلەن، 2006 -جىلى قىركۇيەك ايىندا ەلدە مەملەكەتتىك توڭكەرىس ورىن الدى. دەگەنمەن توڭكەرىس جاساعان اسكەريلەر 2008 -جىلى قاڭتاردا بيلىكتى جاڭا ۇكىمەتباسى ساماكو سۋنداراۆەەگە تاپسىردى. الايدا قىركۇيەك ايىنداعى بيلىك پەن وپپوزيتسيا اراسىنداعى تارتىستا ۇكىمەت تاقتان تايدىرىلىپ، ەل تاعىنا سومچايا ۆونگساۆاتا كەلدى. ال 2014 -جىلى بۇل ەلدە تاعى دا مەملەكەتتىك توڭكەرىس ورىن الىپ، بيلىك ارميا گەنەرالى پرايۋت چان- وچانىڭ قولىنا ءوتتى. ءبىراق وعان قارسىلاستار تىنىش جاتقان جوق. ءالسىن- ءالسىن حالىقتى كوتەرىپ، بيلىكتىڭ وزگەرۋىنە كۇش سالىپ كەلەدى. بالكىم، ەل استاناسى بانگكوكتا بولعان جارىلىس بيلىككە ريزا ەمەس توپتاردىڭ ارەكەتتەرى بولۋى مۇمكىن. ءبىراز ۋاقىت ەكونوميكالىق وسىمگە قول جەتكىزە العان تاي ەلى قازىر ۇلكەن قيىندىقتاردى باستان وتكەرە باستادى. ەكسپورتقا جەمىس- جيدەك، كۇرىش، كاۋچۋك شىعارىپ كەلدى. سوڭعى جىلدارى وعان دەگەن سۇرانىس كۇرت ازايعان. سىرتقى قارىز جىل وتكەن سايىن وسۋدە. ەلگە وتە ۇلكەن پايدا اكەلىپ وتىرعان تۋريزم سالاسى دا سوڭعى جىلدارى اقساي باستاعان. ماسەلەن، 2011 -جىلى تاي ەلىنە 17 ميلليون تۋريست كەلسە، سوڭعى جىلدارى بۇل كورسەتكىش ەكى- ءۇش ەسەگە ازايعان. بۇعان ەلدەگى توڭكەرىستەر مەن جارىلىستار، حالىقتىڭ ءجيى شەرۋلەتىپ، بيلىككە نارىزىلىق ءبىلدىرۋى كەدەرگى بولا باستاعانعا ۇقسايدى.

 

بەرىك بەيسەن ۇلى

«ايقىن» 

سوڭعى جاڭالىقتار