07:54, 22 - تامىز 2015 | GMT +5
يراندا بريتانيا ەلشىلىگى قايتادان اشىلادى
استانا. قازاقپارات - بريتانيا وسى اپتانىڭ سوڭىندا يران استاناسىندا ءوز ەلشىلىگىن قايتا اشادى. اعىلشىن ەلشىلىگى 2011 - جىلى كوتەرىلىسشىلەردىڭ تەگەرانداعى عيماراتقا باسىپ كىرۋىنە بايلانىستى جابىلعان بولعان بولاتىن.

ول كەزدە وزگە دە ديپلوماتيالىق كەڭسەلەردە قۇجاتتار ۇرلانعان بولاتىن، دەپ حابارلادى بي-بي-سي اگەنتتىگى.
سول كەزدە بريتانيا يرانداعى ەلشىلىگىن جاۋىپ، ءوز ەلىندەگى يران ەلشىلەرىن ەلدەن شىعارىپ جىبەرگەن بولاتىن. تامىز ايىندا انگليا سىرتقى ىستەر ءمينيسترى فيليپ حەمموند تەگەرەنداعى ەلشىلىك جۇمىسىن قايتا جانداندىرعىسى كەلەتىنىن مالىمدەگەن بولاتىن.
14 - شىلدە كۇنى ۆەنا قالاسىندا ا ق ش، گەرمانيا، فرانسيا، بريتانيا، قىتاي، رەسەي («التىلىق» ) يراننىڭ يادرولىق قارۋ تۋرالى ماسەلەسىندە ورتاق كەلىسىمگە كەلگەن بولاتىن. ونداعى قۇجاتقا بايلانىستى يران ۋران ءوندىرۋدى توقتاتىپ، ودان حالىقارالىق سانكسيا الىنادى.