قازاقستاندىقتاردىڭ تۇرعىن ءۇي قۇرىلىسى جيناق بانكىسىندەگى سالىمدارى جوعالماۋى ءتيىس - ن. نازاربايەۆ
استانا. قازاقپارات - ق ر پرەزيدەنتى نۇرسۇلتان نازاربايەۆ ۇكىمەتكە تۇرعىن ءۇي قۇرىلىسى جيناق بانكىسىندەگى قازاقستاندىقتاردىڭ سالىمدارىنىڭ بۇتىندىگىن ساقتاۋ ماسەلەسىن ويلاستىرۋدى تاپسىردى.
«تۇرعىن ءۇي قۇرىلىسى جيناق بانكىسىنىڭ سالىمشىلارىنا قاتىستى ماسەلە بار. ادامدار پاتەردى نەسيەگە الۋ ءۇشىن اقشا جينادى. سوندىقتان ۇكىمەت ولار جيناعان قارجىلارىن جوعالتپاۋ ءۇشىن جەكە ويلاستىرىپ، ەسەپتەۋلەرى ءتيىس»، - دەدى ن. نازاربايەۆ اقوردادا نەگىزگى ەكسپورتتاۋشى كومپانيالار باسشىلارىنىڭ قاتىسۋىمەن وتكەن كەڭەستە.
سونىمەن قاتار ەلباسى قيىندىقتارعا قاراماستان ادامداردىڭ الەۋمەتتىك كوڭىل- كۇيىنىڭ بۇزىلماۋى جانە حالىقتىڭ ءال- اۋقاتى تومەندەمەۋى ءۇشىن بارلىق شارالار جۇزەگە اسىرىلاتىندىعىن باسا ايتتى.
اۆتور: مارلان جيەمباي
