قازىرگى ەكونوميكالىق داعدارىس بەلگىلى ءبىر دارەجەدە ەكونوميكانى ساۋىقتىرۋعا مۇمكىندىك بەرەدى - ءو. شوكەيەۆ

  استانا. قازاقپارات - بۇگىن مەملەكەت باسشىسى نۇرسۇلتان نازاربايەۆتىڭ توراعالىعىمەن قازاقستان بيزنەس قاۋىمداستىعى مەن ەكسپورتتاۋشى كومانيالار باسشىلارىنىڭ قاتىسۋىمەن كەڭەيتىلگەن وتىرىس ءوتتى.
None
None

 جيىن بارىسىندا «سامۇرىق- قازىنا» ۇ ءا ق ءتوراعاسى ءومىرزاق شوكەيەۆ ەكونوميكالىق داعدارىس ۇلتتىق كومپانياعا ۇزاق مەرزىمدى كەزەڭدە ءتيىمدى اسەر ەتەتىنىن جەتكىزدى. سونداي- اق ول بۇگىنگى ۇلتتىق ۆاليۋتانى ينفلياتسيالىق تارگەتتەۋ تۋرالى شەشىمنىڭ وتە دۇرىس شەشىم ەكەندىگىن قۋاتتادى.

 "كومپانيا ەكسپورتەرلەردەن تۇرادى. ەكونوميكاداعى احۋال ءبىزدىڭ جاعدايىمىزعا دا قاتتى اسەر ەتەدى. وسىدان ءبىراز ۋاقىت بۇرىن ءبىزدىڭ تازا تابىسىمىز %70 عا دەيىن قۇلادى. ەلىمىز تاۋەلسىزدىك العالى بەرى 4 داعدارىستان ءوتتى. ولاردىڭ بارىنەن امالىن تاۋىپ شىقتىق. ءبىراق بۇل جولعى داعدارىستا ەڭ دۇرىس امال ۆاليۋتالىق ديسپاريتەت ماسەلەسىن شەشۋ بولدى. مەنىڭ ويىمشا، ءار جىلعى داعدارىستان كومپانيالار ساۋىعىپ، شىنىعىپ شىعادى. وسى جولى دا داعدارىس بىزگە ساۋىقتىرۋ اسەرىن تيگىزەتىنىنە سەنىمدىمىن»، - دەدى ءو. شوكەيەۆ.

 ونىڭ ايتۋىنشا، بەلگىلى ءبىر قيىندىقتار بولارى ءسوزسىز. ۇكىمەتكە ينفلياتسيانى كۇشپەن اۋىزدىقتاۋعا تۋرا كەلەدى.

«رەسەي ءرۋبلى% 100 عا قۇنسىزداندى. ءبىراق ولار ينفلياتسيانى 11 پايىز دەڭگەيىندە ۇستاپ قالدى. قازاقستان ۇكىمەتى دە بارىن سالۋى كەرەك"، - دەدى ءو. شوكەيەۆ.

 

اۆتور: گۇلميرا عوسمانالي

سوڭعى جاڭالىقتار