ق ر پرەزيدەنتى وتاندىق بيزنەسمەندەردى باسەكەلەستىك جاعدايىندا «شىنىعۋعا» شاقىردى

بۇل تۋرالى ەلباسى بۇگىن اقوردادا نەگىزگى ەكسپورتتاۋشى كومپانيالار باسشىلارىنىڭ قاتىسۋىمەن ءوتىپ جاتقان كەڭەستە ءمالىم ەتتى.
«پارمەندى مۇمكىندىك - ول باسەكەگە قابىلەتتىلىك. ءبىز ەندى 2016 -جىلدىڭ 1 - قاڭتارىنان باستاپ د س ۇ مۇشەسىمىز. وندا باسەكەلەستىك قازىرگىدەن دە كۇشتى. سوندىقتان دا ەشتەڭەدەن قورقۋدىڭ رەتى جوق، ياعني وزدەرىڭدى شىڭداپ، باسەكەلەستىك دەڭگەيىنە شىعۋ ماڭىزدى»، - دەدى پرەزيدەنت.
ەلباسى وتكەن جىلداردان بەرى جۇرگىزىلىپ كەلە جاتقان ينتەگراتسيالىق ساياسات دۇرىس ەكەنىن ايتا كەلە: «ەلىمىزگە نارىقتار كەرەك. ءبىز ءۇشىن ۇلكەن نارىق - ول رەسەي مەن قىتاي. ءبىزدىڭ ءبىرىڭعاي ەكونوميكالىق نارىقتا بولۋىمىز دا ماڭىزدى»، - دەدى.
وسىعان دەيىن كوپتەگەن ارزان اۆتوكولىكتەر رەسەيدەن قازاقستانعا تاسىمالدانعانىن، بۇنىڭ سالدارىنان وتاندىق كولىك قۇراستىرۋشىلار زارداپ شەككەنىن اتاپ ءوتتى.
«رەسەي سانكسيالارعا بايلانىستى اۋىر جاعدايدا ءومىر سۇرۋدە. قىتايدا دا بەلگىلى ءبىر احۋالدار بايقالۋدا. ءبىز ولار ءۇشىن الاڭدايمىز، سونىمەن قاتار ءوزىمىزدىڭ جەكە شارالارىمىزدى قابىلدايمىز»، - دەدى مەملەكەت باسشىسى.
اۆتور: رۋسلان عابباسوۆ