ۇلتتىق بانككە تاپسىرما: ەلباسى تەڭگەمەن اشىلعان سالىمدارعا ايىرباس باعامى بويىنشا وتەماقى تولەۋ شارتتارىن جاريا ەتتى

«ايىرباس باعامىنىڭ وزگەرۋىنە بايلانىستى حالىق سالىمدارىنىڭ شىعىندارىن تومەندەتۋ ماقساتىندا ۇلتتىق بانككە 2015 -جىلدىڭ 18 - تامىزىنا دەيىنگى، ياعني الدىڭعى كۇنگى مەرزىمگە دەيىن تەڭگەمەن اشىلعان جەكە تۇلعالاردىڭ مەرزىمدى دەپوزيتتەرىنە تولەم تەتىگىن ەنگىزۋدى تاپسىرامىن» ، - دەدى مەملەكەت باسشىسى.

 وسى رەتتە ەلباسى سول كۇنگى تەڭگە باعامىمەن بانكتەگى ەسەپشوتتاعى 1 ميلليون تەڭگەگە دەيىن قارجىعا وتەم جاسالاتىن اتاپ ءوتتى.

 «ازاماتتارعا، ەگەر ولار دەپوزيتتەرىن ارنايى شوتقا سالىپ، ءبىر جىل بويى بانكتە ساقتايتىن بولسا، ەسكى باعام ايىرماسى وتەلەتىن بولادى» ، - دەدى ق ر پرەزيدەنتى.

 ن. نازاربايەۆتىڭ اتاپ وتۋىنشە، بۇل شارا 1,7 ميلليون ادامعا نەمەسە بارلىق سالىمشىلاردىڭ 86 پايىزىنا قولداۋ كورسەتۋگە مۇمكىندىك بەرەدى.

«مەنىڭشە، ولاردىڭ باسىم بولىگى - زەينەتكەرلەر. بۇعان مەملەكەتتىڭ قارجى شىعىنداۋىنا تۋرا كەلەدى. ۇلتتىق بانك مۇنداي مۇمكىنشىلىكتى قاراستىرىپ، قولداۋى ءتيىس» ، - دەدى ەلباسى.