قازاقستاندىقتار تاۋاردى دوللارمەن باعالاۋدان تىيىلۋى قاجەت - ا ق ش ەلشىسى

 استانا. قازاقپارات - قازاقستاندىقتار تاۋاردى دوللارمەن باعالاۋدان باس تارتۋى، ياعني مەنتاليتەتتەرىن وزگەرتۋى قاجەت.
None
None

 بۇل پىكىردى بۇگىن ەلورداداعى ءوز رەزيدەنتسياسىندا جۋرناليستەرمەن سۇحباتتاسقان ا ق ش- تىڭ قازاقستانداعى توتەنشە جانە وكىلەتتى ەلشىسى دجوردج كرول ءبىلدىردى.

«قازىر تەڭگەنىڭ ايىرباسى باعامى ەركىندىككە جىبەرىلدى جانە بەلگىلى ءبىر بولجامسىز كەزەڭ تۋىندايدى. دەگەنمەن احۋالدىڭ تۇراقتاناتىندىعىنا سەنىمدىمىن. مەن پرەمەر- ءمينيستردىڭ مالىمدەمەسىن وقىدىم جانە بۇل وتە دۇرىس. ارينە، بۇل ادامدارعا ىقپال ەتەدى، بۇل بەلگىلى ءبىر الاڭداۋشىلىق تۋىنداتادى»، - دەدى ەلشى.

 سونىمەن قاتار د. كرول قازاقستان مۇنداي جاعدايدى 90- جىلداردا باستان كەشىرگەنىن، ال قازىر قۇرىلىمدىق رەفورمالاردى جۇرگىزىپ جاتقانىن اتاپ ءوتتى. «سوندىقتان دا قازاقستاندىقتار وسى وتپەلى كەزەڭدى ەڭسەرۋ ءۇشىن سابىرلىلىق، تۇسىنىستىك تانىتۋلارى قاجەت»، - دەپ اتاپ ءوتتى ول.

سونىمەن قاتار ا ق ش ەلشىسى جۋرناليستەردىڭ قازاقستان ەكونوميكاسىن دوللارسىزداندىرۋ ماسەلەسىنە قاتىستى دا ساۋالىنا جاۋاپ بەردى.

«ەڭ الدىمەن قازاقستاندىقتار وزدەرىنىڭ مەنتاليتەتتەرىن وزگەرتۋى ءتيىس. ماسەلەن، مەن دۇكەنگە بارىپ 240 تەڭگە تۇراتىن ءسۇتتى دوللارعا شاعىپ ەسەپتەمەيمىن. ياعني، قازاقستاندىقتار تاۋاردى دوللارمەن باعالاۋدان تىيىلۋى قاجەت»، - دەدى د. كرول.

 اۆتور: مارلان جيەمباي

سوڭعى جاڭالىقتار