تەڭگە ەركىن اينالىمعا شىققان سوڭ، ۆاليۋتامەن الىپساتارلىق ارەكەت جاساۋ كەلمەسكە كەتەدى - ق. كەلىمبەتوۆ

 استانا. قازاقپارات - تەڭگە ەركىن اينالىمعا شىققان سوڭ، ۆاليۋتامەن الىپساتارلىق ارەكەت جاساۋ كەلمەسكە كەتەدى.
None
None

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق بانكىنىڭ ءتوراعاسى قايرات كەلىمبەتوۆ مالىمدەدى.

ونىڭ ايتۋىنشا، ەندى نارىق جاعدايىندا تەڭگەنىڭ باعامىنا قاتىستى تۇسىنبەۋشىلىكتەر ورىن المايدى.

 «تەڭگە ەركىن اينالىمعا شىققان سوڭ، ۆاليۋتامەن الىپساتارلىق ارەكەت جاساۋ كەلمەسكە كەتەدى. تەڭگەنىڭ باعامى اشىق، تۇسىنىكتى جاعدايدا قالىپتاسادى. اقشا ايىرباستاۋ پۋنكتتەرى ءوز بەتتەرىنشە كوتەرىڭكى ۆاليۋتا باعامىن قويا المايدى. جانە ەڭ ، قازاقستان جاڭا اقشا- نەسيە ساياساتىنا كوشىپ، ينفلياتسيالىق تارگەتتەۋ رەجىمىن ورناتقان سوڭ، ەكونوميكا بىرتىندەپ دوللارسىزداندىرىلا باستايدى. مىسالى، وسى ينفلياتسيالىق تارگەتتەۋ رەجىمىنە كوشكەن اۆستراليا، جاڭا زەلانديا، قالا بەردى پولشا مەن رەسەيدە ەكونوميكا ەلەۋلى تۇردە دوللارسىزداندىرىلدى. ءبىز ءۇشىن ەكونوميكانى دوللارسىزداندىرۋ - ورتا مەرزىمدىك مىندەت. ءبىز ونى كەزەڭ- كەزەڭمەن ورىنداپ جاتىرمىز»، - دەدى ق. قەلىمبەتوۆ.

سونىمەن قاتار، ول ەلىمىزدە ەكىنشى دارەجەلى بانكتەردىڭ سوڭعى جىلدارى نەگىزىنەن حالىققا نەسيە بەرۋمەن ەمەس، ۆاليۋتالىق وپەراتسيا جاساۋمەن اينالىسىپ كەلگەندىگىن اشىق ايتتى.

«مەن بانكتەردىڭ بۇل ارەكەتتەرىنە جاقسى نەمەسە جامان دەپ ايدار تاققىم كەلمەيدى. ءبىراق اشىعى سول، بانكتەر «اقشا تاعى دا قۇنسىزدانۋى مۇمكىن» دەگەن ويمەن سوڭعى جىلدارى نەگىزىنەن حالىققا نەسيە بەرۋمەن ەمەس، ۆاليۋتالىق وپەراتسيالار جاساۋمەن اينالىسىپ كەلدى. سوڭعى ۋاقىتتا نەسيە بەرۋ ازايىپ، ولاردىڭ پايىزدىق مولشەرلەمەلەرى كەرىسىنشە ارتىپ كەتتى. ءبىز سوڭعى ەكى جىل ىشىندە ەكىنشى دارەجەلى بانكتەرگە ۇلتتىق بانك، ءبىرىڭعاي زەينەتاقى جيناقتاۋشى قورى، سۆوپ وپەراتسيالارى ارقىلى شامامەن 2 تريلليون تەڭگە وتىمدىلىك بەرىپپىز. ال بۇل اقشالار ۆاليۋتاعا اينالىپ جاتتى. سونىمەن قاتار، بانكتەردىڭ كليەنتتەرى دە ءوز دەپوزيتتەرىن دوللارلىق دەپوزيتتەرگە اينالدىرۋمەن بولدى. مىنە وسىنداي تۇيىق شەڭبەر قالىپتاستى. ءبىز بۇگىن وسى شەڭبەردى بۇزدىق. ەندى ەشكىم «باعا اكىمشىلىك تاراپتان بەلگىلەندى»، - دەپ ايتا المايدى. ەندى باعانى نارىق بەلگىلەيدى. ەندى الداعى ءبىر اپتاداي ۋاقىت تەڭگەنىڭ باعامى بىرەسە جوعارى، بىرەسە تومەن ءتۇسۋى مۇمكىن. ال ودان كەيىن شىنايى سۇرانىس پەن ۇسىنىستىڭ ناتيجەسى بويىنشا انىقتالادى»، - دەدى ق. كەلىمبەتوۆ.

بۇدان وزگە، باس بانكير تەڭگەنىڭ ەركىن اينالىمعا شىعۋ شاعىن جانە ورتا بيزنەس سالاسىنا دا وڭ اسەر ەتەتىندىگىن جەتكىزدى.

 «بانكتەردىڭ باستى قىزمەتى تۇتىنۋشىلاردى نەسيەمەن قامتاماسىز ەتۋ ەكەنى بەلگىلى. ەندى ق ر ۇلتتىق بانكى تۇڭعىش رەت ەكىنشى دارەجەلى بانكتەردى جۇيەلى نەگىزدە وتىمدىلىكپەن قامتاماسىز ەتۋشى باستى ورگانعا اينالادى. ياعني ەندى نەگىزىنەن ءبىركۇندىك مولشەرلەمەلەر قويىلادى. سولار ارقىلى قارجى ينستيتۋتتارى الىس- بەرىسكە، ياعني قارجى كوزدەرىنە قول جەتكىزە الادى. وتىمدىلىك مولشەرلەمەسىن باسقارۋ ارقىلى بانك سەكتورىنداعى نەسيە مولشەرلەمەلەرىن باسقارۋعا قول جەتكىزىلەدى. دەمەك، نەسيەلەر شاعىن جانە ورتا بيزنەس سۋبەكتىلەرى ءۇشىن قولجەتىمدى بولا تۇسەدى دەگەن ءسوز» ، - دەپ ءسوزىن تۇيىندەدى ق. كەلىمبەتوۆ.

اۆتور: جاپپاربەرگەن ايبوتا

سوڭعى جاڭالىقتار