ءا. جاقسىبەكوۆ مەملەكەتتىك بالاباقشالاردىڭ اقىسىن قىمباتتاتۋدى ۇسىندى

استانا. قازاقپارات - استانا قالاسىنىڭ اكىمى ادىلبەك جاقسىبەكوۆ ءبىلىم جانە عىلىم مينيسترلىگى مەن قالالىق ءبىلىم باسقارماسىنىڭ باسشىلىعىنا مەملەكەتتىك بالاباقشالاردىڭ اقىسىن ءوسىرۋ ماسەلەسىن قاراۋ كەرەك دەگەن ۇسىنىس ايتتى.
None
None

 استانا اكىمىنىڭ ايتۋىنشا، قالادا بالا تۋۋ كورسەتكىشى ارتىپ كەلەدى، سونداي- اق ءوڭىر- وڭىردەن جاس بالالارى بار وتباسىلار دا كوپ قونىس اۋدارۋدا. جانە دە استانا - وڭىرلەر اراسىندا مەكتەپ الدى ءبىلىمدى ەڭ ارزان باعامىن ۇسىنىپ وتىرعان قالا بولىپ سانالادى.

 «سوندىقتان، ق ر ءبىلىم جانە عىلىم مينيسترلىگىنە استانا قالاسىنىڭ ءبىلىم باسقارماسىمەن بىرلەسە وتىرىپ، مەملەكەتتىك بالاباقشالارداعى تاربيە مەن وقۋ اقىسىن قىمباتتاتۋ ماسەلەسىن قاراۋدى ۇسىنامىن. ءتيىستى وزگەرىستەردى نورماتيۆىك اكتىلەرگە سايكەس ەنگىزۋ كەرەك»، - دەدى تامىز كەڭەسىنىڭ بارىسىندا ەلوردا اكىمى.

ءا. جاقسىبەكوۆ بۇل ءبىر جاعىنان وسى سالاداعى قىزمەتكەرلەردىڭ جالاقىسىن ارتتىرۋعا سەپتىگىن تيگىزسە، ەكىنشى جاعىنان قالادا مەكتەپ الدى ءبىلىم بەرۋدىڭ ءبىرىڭعاي جۇيەسىن قۇرۋعا ىقپال ەتەدى.

اۆتور: كەنجەكەي توقتامۇرات قىزى

سوڭعى جاڭالىقتار