ۇكىمەت ەكسپورتتىق كەدەن سالىعىن مۇناي باعاسىنا قوسۋ تۋرالى شەشىم قابىلدايدى
بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ەلىمىزدىڭ پرەمەر-ءمينيسترى كارىم ءماسىموۆ ءمالىم ەتتى.
ك. ءماسىموۆ ءوز سوزىندە مۇنايعا ەكسپورتتىق كەدەن سالىعىن الىپ تاستاۋ ماسەلەسى مۇنايلى ولكەلەر ءۇشىن ماڭىزدى ماسەلە ەكەندىگىن ءارى كومپانيالار مەن وبلىس باسشىلىعى تاراپىنان بۇل بىرنەشە مارتە كوتەرىلىپ، تالقىعا سالىنعانىن اتاپ ءوتتى.
«ءبىز مۇنى ۇكىمەتتە تالقىلادىق جانە قىركۇيەك ايىندا ەكسپورتتىق كەدەن سالىعىن مۇناي باعاسىنا قوسۋ تۋرالى شەشىم قابىلداناتىن بولادى. وسىدان كەيىن ۇكىمەت ديرەكتيۆتى رەتتەۋدەن تىيىلادى. قاتاڭ بەكىتىلەدى جانە بۇل شەشىم قىركۇيەكتە قابىلدانادى. بۇل رەتتە ماڭعىستاۋ، اتىراۋ وبلىستارىنداعى مۇناي ءوندىرۋشى كومپانيالار ءۇشىن بۇل ماسەلە كۇردەلى. ويتكەنى، مۇناي جانە مۇناي ءوندىرۋ سالاسى قازاقستان ەكونوميكاسىنىڭ دونورى ءارى، لوكوموتيۆى جانە وسىناۋ قيىن- قىستاۋ كەزەڭدە بىزدەر قولداۋ كورسەتەتىن سالالارعا قولداۋ كورسەتەدى»، - دەدى ك. ءماسىموۆ.
اۆتور: مارلان جيەمباي
