13:02, 20 - تامىز 2015 | GMT +5
قازىرگى داعدارىس بۇدان بۇرىنعىلاردان وزگەشە - ۇلتتىق ەكونوميكا ءمينيسترى
استانا. قازاقپارات - اعىمداعى داعدارىس بۇدان بۇرىنعىلاردان وزگەشە. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.

«جالپى 7 ايدا ەكسپورت 44 پايىزعا، ال يمپورت كولەمى 20 پايىزعا جۋىق تومەندەدى. بۇنىڭ بارلىعى ماكروەكونوميكالىق العىشارتتار بولىپ تابىلادى جانە بۇگىندەگى داعدارىستىڭ بارلىق ۇدەرىستەرى 1997-1999 -جىلدار مەن 2007-2009 -جىلدارداعى داعدارىستاردان تۇبەگەيلى وزگەشەلىگى بار. داعدارىس بارلىق سالالاردى قامتىدى جانە وسى ۇدەرىس ەكىنشى جىلعا جالعاسىپ كەلەدى»، - دەدى ە. دوسايەۆ.
ۆەدومستۆو باسشىسىنىڭ اتاپ وتۋىنشە، اقشالاي- نەسيەلىك ساياسات پەن سالىقتىق- بيۋدجەتتىك ساياساتقا بايلانىستى ماكروەكونوميكالىق تۇراقتىلىق ەلىمىزدەگى رەفورمالاردى ىسكە اسىرۋدىڭ نەگىزى بولىپ تابىلاتىنىن اتاپ ءوتتى.
اۆتور: رۋسلان عابباسوۆ