افريكادا جىلداپ تاماقتانبايتىن بالىق ءتۇرى تابىلدى

استانا. قازاقپارات - افريكا اۋماعىندا «روگوزۋب» دەپ اتالاتىن بالىق ءتۇرى تابىلدى.

ول بىرنەشە جىل بويى تاماقتانباي ءومىر سۇرە الادى ەكەن.

زەرتتەۋشىلەر بۇل وزگەشە دە قۇندى «ولجاعا» ۇلكەن ءۇمىت ارتىپ وتىر. ولاردىڭ پايىمىنشا، بۇل بالىق بەلگىلى ءبىر جاعدايدا ادامنىڭ ءومىر ءسۇرۋىن ۋاقىتشا توقتاتۋدىڭ جاڭا ادىستەرىن قۇرۋعا كومەكتەسەدى.

تابىلعان روگوزۋب قيىن جاعدايدا ورگانيزمىندەگى ۇدەرىستەردى باسەڭدەتە الاتىنى انىقتالدى. بالىق ءوزىنىڭ بيولوگيالىق ساعاتىن «ىستەن شىعارىپ» ۇيقىعا كەتەدى. ونىڭ ۇيقىسى 3 نەمەسە 5 جىلعا دەيىن سوزىلۋى مۇمكىن. بۇل ۋاقىتتا بالىق تاعامسىز، ءتىپتى سۋسىز ءومىر ءسۇرىپ، قالدىق تا شىعارمايدى ەكەن. سۋ جانۋارى تۇششى سۋ كەلگەنگە دەيىن ۇيىقتاي الادى، دەپ جازدى planet-today.ru.