ۇلتتىق بانك ءبىرىڭعاي جيناقتاۋشى زەينەتاقى قورىنىڭ كىرىستىلىگىن ارتتىرا تۇسپەك

استانا. قازاقپارات - ق ر ۇلتتىق بانكى ءبىرىڭعاي جيناقتاۋشى زەينەتاقى قورىنىڭ كىرىستىلىگىن ارتتىرۋعا نيەتتى.
None
None

بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ەلىمىزدىڭ پرەمەر- ءمينيسترى كارىم ءماسىموۆ ءمالىم ەتتى.

«بەلگىلى بولىپ وتىرعانداي، زەينەتاقى سالىمدارى ءبىرىڭعاي جيناقتاۋشى زەينەتاقى قورى «شاتىرى» استىنا بىرىكتىرىلىپ، ۇلتتىق بانك باسقارۋىنا بەرىلگەن. جوعارى كىرىستىلىك بار. كىرىستىلىكتىڭ ينفلياتسياعا قاتىسى دا ماڭىزدى. 1 تامىزداعى ينفلياتسيا 3,9 پايىز. سوندىقتان دا، ۇلتتىق بانك ينۆەستيتسيالىق ستراتەگيالارعا سايكەس ينۆەستيتسيالايدى. نەگىزىنەن، قارجى مينيسترلىگىنىڭ نەگىزگى قۇندى قاعازدارى، ونىڭ ىشىندە شەتەلدىك قۇندى قاعازدار ماقۇلدانعان. ءبىز 1,5 جىلدىق باسقارۋ كەزىندە ب ج ز ق كىرىستىلىگى جاقساردى جانە جاقسارتا تۇسەتىن بولامىز»، - دەدى ق. كەلىمبەتوۆ باق وكىلدەرىنىڭ ساۋالىنا وراي.

ءوز كەزەگىندە پرەمەر- مينيستر ك. ءماسىموۆ ۇكىمەت پەن ۇلتتىق بانكتە جۇمىستاردى كۇشەيتۋى ءتيىس 2 باعىت بار ەكەندىگىن باسا اتاپ ءوتتى.

«ءبىرىنشى باعىت ەكونوميكانى دوللارسىزداندىرۋ، ۇلتتىق ۆاليۋتانى پايدالانۋ. ەكىنشىسى، قازاقستاندىق بانكتەردى نەسيەنى تەڭگەمەن الۋ مۇمكىندىگى. ياعني، وسى ەكى ماسەلەنى قايرات نەمات ۇلى (ۇلتتىق بانك ءتوراعاسى ق. كەلىمبەتوۆ - اۆت.) بىزدەرگە شەشۋ قاجەت. وسىدان كەيىن ەكونوميكا باعام ساياساتىنا نازار اۋدارا قويمايتىن بولادى»، - دەدى ك. ءماسىموۆ.

اۆتور: مارلان جيەمباي

سوڭعى جاڭالىقتار