بارلىق الەۋمەتتىك تولەمدەردى، بيۋدجەتتىك ينۆەستيتسيالىق جوبالاردى قارجىلاندىرۋ جۇمىسى تۇراقتى بولادى - ق ر قارجى ءمينيسترى

استانا. قازاقپارات - قازاقستانداعى بارشا الەۋمەتتىك مىندەتتەمەلەر قالىپتى تارتىپتە قارجىلاندىرىلۋدا.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا قر قارجى ءمينيسترى باقىت سۇلتانوۆ ءمالىم ەتتى.

«بيۋدجەتتىڭ اتقارىلۋى باعىتىنا توقتالاتىن بولساق، بۇگىنگى بارلىق الەۋمەتتىك تولەمدەردى، بيۋدجەتتىك ينۆەستيتسيالىق جوبالاردى قارجىلاندىرۋ جۇمىسى تۇراقتى جانە جىلدىڭ اياعىنا دەيىن تۇراقتى بولاتىنىنا ەشقانداي كۇمان جوق. ويتكەنى ءبىز بۇل باعىتتا ءتيىستى قادامداردى ۋاقتىلى جاساپ، بارلىق ءتيىمسىز شىعىستاردى بيۋدجەتتەن الىپ تاستادىق»، - دەدى مينيستر.

ونىڭ سوزىنە قاراعاندا، رەسپۋبليكالىق بيۋدجەتتە يگەرىلمەي قالعان بيۋدجەتتىك باعدارلامالاردىڭ كولەمى بىلتىرعا قاراعاندا ەكى ەسە تومەن.

سونىمەن قاتار ب. سۇلتانوۆ «نۇرلى جول» باعدارلاماسىن قارجىلاندىرۋ ەرەكشە باقىلاۋدا تۇرعانىن قاداپ ايتتى.

اۆتور: رۋسلان عابباسوۆ