09:16, 20 - تامىز 2015 | GMT +5
رەسەيدىڭ ستاۆروپول ولكەسىندە جاۋعان بۇرشاقتان ادامداردىڭ سۇيەگى سىنىپ، كولىكتەر زاقىمداندى
استانا. قازاقپارات - رەسەيدىڭ ستاۆروپول ولكەسىندە ءىرى بۇرشاق جاۋىپ، جاراقاتتانعان تۇرعىندار اۋرۋحاناعا ءتۇستى، دەپ حابارلادى «رەن ت ۆ» ارناسى.

كەشە ستاۆروپول ولكەسىنىڭ جەلەزنوۆودسك قالاسىندا بۇرشاق جاۋعاننان كەيىن جارالانعان ونشاقتى ادام اۋرۋحاناعا ءتۇستى، ونىڭ بىرەۋىنىڭ سۇيەگى سىنعان.
سونىمەن قاتار، ستاۆروپولدە نوسەرلەتىپ وتكەن بۇرشاق كوپتەگەن اۆتوموبيلدى دە زاقىمداعان.
وسىعان دەيىن اۋا رايىنىڭ قولايسىزدىعىنا بايلانىستى ستاۆروپولدە ەلەكتر جەلىلەرىنە زالال كەلتىرىلىپ، 5 مىڭنان استام ادام جارىقسىز قالعانى تۋرالى حابارلانعان بولاتىن.