08:27, 20 - تامىز 2015 | GMT +5
ب ۇ ۇ يەمەندى اشتىق جايلايتىنىن ەسكەرتتى
استانا. قازاقپارات - بىرىككەن ۇلتتار ۇيىمىنىڭ «دۇنيەجۇزىلىك ازىق- تۇلىك باعدارلاماسى» اگەنتتىگى يەمەندەگى قارۋلى قاقتىعىستاردىڭ كەسىرىنەن ەلدىڭ ءبىرقاتار ايماقتارىندا اشتىق جايلاۋى مۇمكىن ەكەنىن مالىمدەدى، دەپ جازادى BBC اگەنتتىگى.

ب ۇ ۇ دەرەگى بويىنشا ول ەلدە 13 ميلليوننان استام ادام كومەككە مۇقتاج بولىپ وتىر.
اتالعان اگەنتتىك باسشىسى ەرتارين كۋزين يەمەنگە بارىپ كەلگەننەن كەيىن، وندا قاجەتتى جاعدايدا ازىق- تۇلىك جەتكىلىكسىز ەكەنىن، گۋمانيتارلىق ۇيىمدار قارۋلى قاقتىعىستارعا بايلانىستى كومەك جىبەرە الماي وتىرعانىن ايتتى.
ەسكە سالا كەتەيىك، يەمەن بيلىگى مەن بۇلىكشىل توپ اراسىنداعى بۇدان ءبىر جىل بۇرىن باستالعان كەلىسپەۋشىلىك سوڭى ۇلكەن قارۋلى قاقتىعىسقا ۇلاسقان. ەلدە بىرنەشە رەت بەيبىت كەلىسىمگە كەلۋ تۋرالى ۇسىنىستار جاسالعانىمەن اسكەري ءىس قيمىلدار، اتىس- شابىستى توقتاتۋ مۇمكىن بولمادى.
اۆتور: قانات مامەتقازى ۇلى