قاۋىننىڭ ادام دەنساۋلىعىنا پايداسى

استانا. قازاقپارات - قاۋىن تەك ءدامى ءتىل ۇيىرەتىن جەمىس قانا ەمەس، ونىڭ ادام دەنساۋلىعىنا پايدالى تۇستارى وتە كوپ، دەپ جازادى «ماسساگەت» پورتالى.

قاۋىننىڭ ادام دەنساۋلىعىنا پايداسى:

1. قاۋىن - تومەن كالوريالى جەمىس ءتۇرى. ونىڭ 100 گرامىندا نەبارى 33 كالوريا بولادى. سوندىقتان، ونى ارتىق سالماقتان ارىلعىسى كەلەتىندەرگە جەۋگە كەڭەس بەرەمىز.

2. سونىمەن قاتار، ءىشىڭىزدى جۇرگىزۋگە دە اسەر ەتەدى. ەگەر ىشەكتى زياندى زاتتاردان، قوقىستاردان تازالاعىڭىز كەلسە، قاۋىن جەڭىز.

3. كىمنىڭ باۋىرى جانە قۋىعى اۋىرسا، سول ادامدارعا قاۋىن وتە پايدالى.

4. بۇيرەكتەن تاس پەن قۇم شىعارادى.

5. قانداعى گەموگلابين مولشەرىن كوبەيتەدى.

6. اعزاڭىزدى ءارتۇرلى اۋرۋدان قۇتقارىپ، يممۋنيتەتىڭىزدى قاتايتادى.

7. جۇرەك- قان تامىر اۋرۋلارىنىڭ دا الدىن الادى.

8. جۇيكە جۇيەسىن تىنىشتاندىرادى.

9. جازدا شولگە جاقسى.

ەندەشە قاۋىننان دايىندالاتىن سۇزبە دەسەرتىن ۇسىنامىز. ونى جاساۋ كوپ ۋاقىتىڭىزدى المايدى.

ول ءۇشىن سىزگە:

1 ستاقان سۇزبە؛

1 ءسابىز؛

1 ءتىلىم قاۋىن (ۇلكەن)؛

3 اس قاسىق قايماق؛

1 اس قاسىق بال قاجەت بولادى.

دايىندالۋ جولى:

1. سۇزبەنى جاقسىلاپ شانىشقىمەن ۇگىتىڭىز.

2. ونىڭ ۇستىنە قايماق قوسىپ، ارالاستىرىڭىز.

3. سودان كەيىن ءسابىزدى تازالاپ، كىشكەنتاي ۇككىشتەن وتكىزىڭىز.

 4. سودان سوڭ بال نەمەسە قانت قوسۋدى ۇمىتىپ كەتپەڭىز.

5. قاۋىن ءتىلىمىنىڭ قابىعىن ارشىپ، ۋاقتاپ تۋراپ، سۇزبە قوسپاسىنا قوسىڭىز.

6. ءبارى دايىن بولعان سوڭ ءوزىڭىزدىڭ قالاۋىڭىز بويىنشا اشەكەيلەپ، داستارحانعا قويىڭىز.

استارىڭىز ءدامدى بولسىن!