سارى اعاش ەلىمىزدەگى بەلدى كۋرورتىق ورتالىققا اينالادى

استانا. قازاقپارات - وڭتۇستىك قازاقستان وبلىسىنىڭ اكىمى بەيبىت اتامقۇلوۆ اۋىل شارۋاشىلىعى وركەندەگەن، سونىڭ ىشىندە جىلىجايدىڭ كولەمى بويىنشا ەلىمىزدە كوش باستاپ تۇرعان سارى اعاش اۋدانىنا ارنايى جۇمىس ساپارىمەن بارىپ، وندا اتقارىلىپ جاتقان جۇمىستاردىڭ بارىسىمەن تانىستى، دەپ حابارلايدى وبلىس اكىمىنىڭ باسپا ءسوز قىزمەتىنەن.
None
None

بۇگىندە سارى اعاشتاعى 142 مەكتەپتە 70 مىڭنان استام وقۋشى ءبىلىم الادى. اۋداندا بيىل ءبىرقاتار جاڭا ءبىلىم نىساندارىن پايدالانۋعا بەرۋ جوسپارلانۋدا.

ساپار بارىسىندا وبلىس اكىمى جاڭا قۇرىلىس ەلدى مەكەنىندەگى قۇرىلىسى اياقتالعان مەكتەپتىڭ عيماراتىن ارالاپ كوردى.

مۇنداعى «بەس قارا» ج ش س- نىڭ قۇراما جەم سەحىندا قىتايدان كەلگەن ماماندار جەرگىلىكتى اۋىل تۇرعىندارىنا جەم شىعارۋ ءۇردىسىن ۇيرەتۋدە. وسى كەشەن ماڭىنداعى قۇس فابريكاسىندا بۇگىندە 60 مىڭنان استام قۇس وسىرىلۋدە. الدا وسى ماڭنان زاماناۋي قۇس ءوسىرۋ كەشەنى دە اشىلماق.

اۋدانداعى كاسىپكەرلەرگە قىزمەت كورسەتۋ ورتالىعىندا وبلىس اكىمىنە وبلىستىق كاسىپكەرلەرگە قىزمەت كورسەتۋ ورتالىعىنىڭ ديرەكتورى ولجاس توعايەۆ مەكەمە قۇرىلعالى 58 مىڭنان استام كاسىپكەرگە قىزمەت كورسەتىلگەنىن حابارلاپ، اكىمشىلىك كەدەرگىلەردى ازايتۋ باعىتىندا قولعا الىنعان شارالاردى جان- جاقتى باياندادى.

ال سارى اعاش كۋرورتتىق ايماعىن دامىتۋ جوباسىنىڭ تانىستىرىلىمىنا ارنالعان ماجىلىستە وقو كاسىپكەرلىك، يندۋستريالدى- يننوۆاتسيالىق دامۋ جانە تۋريزم باسقارماسىنىڭ باسشىسى باۋىرجان وماربەكوۆ بۇگىندە 134 گەكتار جەردىڭ يگەرىلگەنىن جەتكىزىپ، بولاشاقتا اۋماقتىڭ 600 گا قۇرايتىنىن ايتتى. جوسپار بويىنشا ايماق بىركەلكى قورشاۋمەن قورشالىپ، جول جوندەلەدى، اعاش كوشەتتەرى وتىرعىزىلادى، كوگالداندىرۋ جۇمىستارى قولعا الىنادى. ەسكى عيماراتتاردىڭ ءىشى- سىرتى ارلەنىپ، ينفراقۇرىلىم رەتكە كەلتىرىلەدى. زامان تالابىنا ساي جايلى مەيرامحانا، قوناق ءۇي، اكۆاپارك سالىنىپ، ساۋدا قاتارلارى بىركەلكى تۇرگە ەنەدى. سونداي- اق شيپاجايعا بارار جولدىڭ بويىنا ەڭسەلى اركا سالىنادى.

جيىندى قورىتىندىلاعان ءوڭىر باسشىسى بەيبىت اتامقۇلوۆ سارى اعاشتى ەلىمىزدەگى بەلدى كۋرورتىق ورتالىققا اينالدىرۋ ءۇشىن سالا ماماندارىمەن جۇمىلا جۇمىس جاساۋ قاجەتتىلىگىن ايتىپ، ءتيىستى مينيسترلىك وكىلدەرىنىڭ قاتىسۋىمەن ارنايى سەمينار وتكىزىپ، وندا وسى جوبا- جوسپاردى تياناقتى تانىستىرۋدى تاپسىردى.

سوڭعى جاڭالىقتار