الماتىدا «سۇيىكتى قالاما سىيلىق» شاراسى باستالدى

الماتى. قازاقپارات - كەشە الماتىدا سايران كولىنىڭ جاعاسىندا رەسپۋبليكالىق «جاسىل ەل» جاستاردىڭ ەڭبەك وتريادىنىڭ 300 دەن استام بەلسەندىسى «سۇيىكتى قالاما سىيلىق» اتتى اكسيا- ەستافەتانىڭ باستالعانىن جاريالادى.
None
None

بۇل تۋرالى قالالىق مادەنيەت باسقارماسىنىڭ باسپا ءسوز قىزمەتىنەن حابارلادى.

الماتى كۇنىن تويلاۋعا ءبىر اي قالعان ۋاقىتتا جاستار ءوز كۇشتەرىمەن قالانىڭ بارلىق اۋماعىندا سەنبىلىكتەر وتكىزۋدى ۇيعاردى. ولار الماتى جاستارىن وسى شاراعا قاتىسۋعا شاقىردى.

«جاسىل ەل» جاستارى ەستافەتانى باسقا جاستار ۇيىمدارىنا بەرە وتىرىپ، ولاردىڭ دا بەلسەندىلىك كورسەتەتىندەرىنە ءۇمىت ارتادى.

بۇگىن «سۇيىكتى قالاما سىيلىق» ەستافەتاسىن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ الماتى قالاسى بويىنشا دەپاراتمەنتىنىڭ قىزمەتكەرلەرى قولدادى. ال كەلەسى اپتادا سەنبىلىككە قالاداعى №2 بالالار مەن جاسوسپىرىمدەردىڭ وليمپيادالىق رەزەرۆ سپورت مەكتەبىنىڭ وقۋشىلارى شىعاتىن بولادى.

اۆتور: جاپپاربەرگەن ايبوتا

سوڭعى جاڭالىقتار