وسكەمەندە ءبىلىم تاريحىنا ارنالعان مۇراجاي اشىلادى

استانا. قازاقپارات - وسكەمەندە س. امانجولوۆ اتىنداعى ش ق مەملەكەتتىك ۋنيۆەرسيتەتى جانىنان شىعىس قازاقستان ءوڭىرىنىڭ ءبىلىم بەرۋ تاريحىنا ارنالعان مۋزەي اشىلادى.
None
None

مۇندا قازىردەن باستاپ بولاشاق توپتامالار ءۇشىن ەكسپوناتتار جيناقتاۋ جۇمىسى ءجۇرىپ جاتىر.

 - كوپشىلىگىمىز ءۇشىن مەكتەپ - بالالىق شاقتىڭ، دوستىقتىڭ، ەڭ باستىسى ءبىلىمنىڭ مەكەنى. ءبىزدى مەكتەپپەن بايلانىستىراتىن مۇعالىمدەرىمىزدى جانە سىنىپتاستارىمىزدى ەستە ساقتاۋىمىز ماڭىزدى. بۇگىندە وسكەمەن قالاسىندا بولاشاق مۋزەيگە ەكسپوناتتار جيناستىرۋ جۇمىستارى ءجۇرىپ جاتىر، - دەيدى تاربيە ءىسى جونىندەگى پرورەكتور ي. ۆ. روۆنياكوۆا.

مۋزەيدەگى كورمەلەردىڭ كومەگىمەن وبلىس تۇرعىندارى ش ق و ءبىلىم بەرۋ جۇيەسىنىڭ، ياعني مەكتەپكە دەينگى جانە جوعارى وقۋ ورىندارىنىڭ ءبىلىم جۇيەسىنىڭ تاريحى جانە زاماناۋي ءبىلىم بەرۋ تەحنولوگيالارىمەن تانىسا الادى. ش ق و ءبىلىم مۋزەيىنە ءار جىلدارداعى كىتاپتار، اتتەستاتتار، ءبىلىم جۇيەسىنىڭ قۇجاتتارى، وقۋلىقتار، ءبىلىم بەرۋدەگى تەحنيكالىق قۇرالدار، پەداگوگيكالىق ەڭبەك ماراپاتتارىنىڭ كۋالىكتەرى قويىلادى. سونىمەن قاتار ەڭبەگى سىڭگەن ارداشەر مۇعالىمدەردىڭ ءومىربايانى مەن پەداگوگيكالىق قىزمەتتەرى جايىندا مالىمەتتەر بولادى.

«بىرگە مۇراجاي اشايىق!» اكسياسى بويىنشا جادىگەرلەر س. امانجولوۆ اتىنداعى ش ق م ۋ- دىڭ اكىمشىلىك بولىمىندە قابىلدانۋدا، دەپ حابارلايدى kazmuseum.kz.

سوڭعى جاڭالىقتار