بۇل كىسىلەر «ساباقتى ۇزدىك وقۋدىڭ قاجەتى جوق» دەيدى. نەگە؟

استانا. قازاقپارات - اتا- انامىز بەن تۋىستارىمىزدىڭ ايتاتىن اقىلدارى ادەتتە ۇقساس بولادى. ولاردىڭ جاتتاندى ەستىلەتىنى سونشالىق، مۇنداي اقىل- كەڭەستەرگە كوپ ءمان بەرە بەرمەيمىز.
None
None

ال مىنا كىسىلەر كوپشىلىك ايتاتىن اقىل- كەڭەستەرگە قارسى شىعادى.

اتا- انامىز ساباقتى ۇزدىك وقى دەسە، بۇلار ۇزدىك وقۋدىڭ قاجەتى جوق دەيدى. نەگە ەكەنىن وسى پوستتان وقىپ بىلە الاسىزدار.

ستۋدەنتتەرگە ارنالعان بۇل ەرەكشە اقىل-كەڭەستەردى Businessinsider.com سايتىندا Maggie Zhang ەسىمدى جۋرناليست توپتاستىرعان. ونىڭ جازعاندارىن قازاق تىلىنە ىقشامداپ اۋدارىپ بەرۋدى ءجون سانادىم.

- «ساباقتان كەلە سالىسىمەن بىردەن ءۇي تاپسىرمالارىن ورىندا»، - دەيدى بىزگە دوستارىمىز. ءبىراق، ءار ادام ءارتۇرلى. ءبىرىنىڭ ميى تۇندە جاقسى ىستەيتىن بولسا، ءبىرى كۇندىز جۇمىس ىستەگەندى ۇناتادى. سوندىقتان، قاي كەزدە ساباق وقيتىنىڭىزدى ءوزىڭىز شەشىڭىز -  Ben Jones.

- كوپ ستۋدەنت كەلەسى كۋرسقا وتپەي قالۋدان ولەردەي قورقادى. سەبەبى، وسەكتىڭ استىندا قالامىن دەپ ويلايدى. ودان ۇيالۋدىڭ قاجەتى جوق. قازىر كەز كەلگەن ستۋدەنت قالاعان ۋاقىتىندا ءۇزىلىس جاساۋعا قۇقىلى. سوندىقتان، قالاساڭىز، ءبىر جىل اكادەميالىق ءۇزىلىس الىپ، سول ۋاقىتتى جۇمىس ىستەپ تاجىريبە جيناۋعا، ساياحاتتاۋعا پايدالانىڭىز. ءبىر جىلدان كەيىن وقۋدى كەلگەن جەرىڭىزدەن جالعاستىرىپ كەتەسىز - Edgar Wang.

- ۇزدىك وقۋعا تالپىنۋدىڭ قاجەتى جوق. GPA- ىڭىز 3,5 نان اسقاننان كەيىن ارى قارايعى العان باعالارىڭىزدىڭ ماڭىزى از. مىسالى، جۇمىس بەرۋشىگە ءسىزدىڭ بالىڭىز 3,5 بولسا دا، 3,7 بولسا دا - ەكەۋى بىردەي بولىپ كورىنەدى - Marli Creese.

- بولمەڭنىڭ ەسىگى ءاردايىم اشىق بولسىن. جۇرتپەن تانىسۋدان قاشپا. جابىق بولما، اشىق بول. ساباق دەپ بولمەدەن شىقپاي وتىرا بەرگەننەن گورى جۇرتپەن تانىسىپ، ارالاس - Chelsea Hunersen.

- وقۋدان گورى جاقسى، ءبىلىمدى ادامدارمەن تانىسىپ، دوس بولۋعا كوبىرەك كوڭىل ءبول. سەبەبى، وقۋدى بىتىرگەننەن كەيىن دوس تابۋ قيىن بولادى. سوندىقتان، بۇل مۇمكىندىكتى پايدالانىپ قال - Rob Edell.

- اراسىندا مۇڭايىپ تۇرعان دا جاقسى. كوڭىلسىز جۇرۋدەن قورىقپا. كوپ ادامعا ۇيىنەن جىراققا كەتۋ وڭاي ەمەس. جاڭا ورتاعا بەيىمدەلۋ قيىن. سوندىقتان، تەك كوڭىلدى ءجۇرۋىم كەرەك دەپ ءوزىڭدى قيناما - Meredith Winn.

- تەلەديدار قاراما. اينالاڭدا ءومىر قىزىپ جاتقاندا تەلەديدار قاراپ جاتقانىڭ بولماس. بۇل - ۋاقىتتى قۇر بوسقا ءولتىرۋ، پايداسى از ءىس. قاراعان كۇننىڭ وزىندە دوستارىڭمەن وتىرىپ كورۋگە تىرىس. سوندا ەڭ قۇرىعاندا ولارمەن قارىم- قاتىناسىڭدى جاقسارتۋعا مۇمكىندىك الاسىڭ - Daniel Wetterstrom.

- جۇرتپەن ارالاسۋدى ۇيرەن. سەبەبى، كىسىمەن ارالاسا الماعان ادامنىڭ بولاشاقتا بىردەڭەگە جەتۋى ەكىتالاي. بۇل وڭاي بولماۋى مۇمكىن. ءبىراق، قۇربىلارىڭمەن دۇرىس قارىم- قاتىناس جاساۋدى زەرتتەپ، ۇيرەن - Chelsea Hunersen.

- ۋنيۆەرسيتەتىڭمەن ماقتانبا، ۋنيۆەرسيتەت سەنىمەن ماقتاناتىنداي بولۋعا تالپىن. كۇش- جىگەرىڭدى مىقتى مامان، ادامگەرشىلىگى مول ازامات بولىپ تاربيەلەنىپ شىعۋعا سال - Debarghya Das.

 «massaget.kz»

سوڭعى جاڭالىقتار