17:46, 19 - تامىز 2015 | GMT +5
قوستانايدا باسقارۋسىز اۆتوبۋس ايەل ادامدى قاعىپ كەتتى
استانا. قازاقپارات - تاڭەرتەڭ اباي داڭعىلىندا جولدىڭ جيەگىندە تۇرعان №13 اۆتوبۋس ورنىنان قوزعالىپ، جاياۋ جۇرگىنشىلەردىڭ جولىنا شىعىپ كەتىپ، ايەل ادامدى قاعىپ كەتكەن.

«ناشا گازەتا» حابارلاعانداي، وقيعا تاڭعى ساعات 07:30 دا بولعان.
«1979 -جىلى تۋعان جۇرگىزۋشى اۆتوپاركتەن شىققان سوڭ، جولدا كولىكتە اقاۋلىق بار ەكەنىن بايقاعان، - دەدى قوستاناي وبلىستىق ءى ءى د ءا پ ب ەرەكشە تاپسىرمالار بويىنشا اعا ينسپەكتورى يۋري پاناسەنكو. - ول توقتاپ، موتوردى تەكسەرۋگە شىققان. قوزعالتقىش ىستەن شىعارىلماعاندىقتان (سونبەگەندىكتەن)، اۆتوبۋس ورنىنان قوزعالىپ كەتكەن. اۆتوبۋس قارسى جولاققا شىعىپ كەتىپ، اباي داڭعىلى بويىندا ورنالاسقان №316 ءۇيدىڭ ماڭىنداعى جاياۋ جۇرگىنشىلەر جولىندا ءجۇرىپ بارا جاتقان ايەلدى قاعىپ كەتتى. كەيىن باعاناعا سوعىلىپ، ءبىر اعاشتى قۇلاتىپ، ەكىنشىسىنە سوعىلدى».
مۇنى كورگەن جاقىن ماڭداعى جوندەۋ شەبەرحاناسىنىڭ قىزمەتكەرلەرى «103» نومىرىنە حابارلاستى. جاپا شەگۋشى ءتۇرلى جاراقاتتارىمەن اۋرۋحاناعا جەتكىزىلدى.