بيزنەس باستاۋ ءوز قولىڭىزدا

استانا. قازاقپارات - قازىرگى تاڭدا تەك ۇلكەن قالالار عانا ەمەس، شاعىن ەلدى مەكەندە نەمەسە قالاشىقتا تۇراتىن كاسىپكەرلەرگە دە قولايلى جاعداي جاسالعان. ولار شالعايداعى ەلدى مەكەندە تۇرسا دا، مەملەكەت ۇسىنعان جاردەمنەن تىس قالىپ جاتقان جوق.
None
None

 سولتۇستىك قازاقستان وبلىسىنىڭ تايىنشا قالاشىعىندا تۇراتىن بايان ىسقاقوۆا وتكەن جىلى «دامۋ» قورىنىڭ كومەگىنە جۇگىندى. ونىڭ «راحمەت» اتتى ازىق- تۇلىك، تۇرمىستىق حيميا جانە حالىق تۇتىناتىن باسقا دا تاۋارلار ساتاتىن دۇكەنى بار. دۇكەن قالانىڭ ءدال ورتاسىندا ورنالاسقان. كاسىپكەر تاۋارلاردى تۇرلەندىرىپ، قوسىمشا قۇرال- جابدىق ساتىپ الۋ ءۇشىن «دەلتا بانك» بانكىنەن نەسيە الماق بولدى. ءبىراق ونىڭ كەپىلگە قوياتىن دۇنيە- مۇلكى قاجەتتى سوما ءۇشىن جەتكىلىكسىز ەدى. وسى تۇستا وعان «دامۋ» كاسىپكەرلىكتى دامىتۋ قورى كومەككە كەلدى. قور جەتپەگەن مۇلىك ءۇشىن بانككە كەپىل بولدى، سونداي- اق بايان ىسقاقوۆا العان نەسيەنىڭ پايىزدىق مولشەرلەمەسىنىڭ 7 پايىزىن سۋبسيديالاپ بەردى. دەمەك، كاسىپكەر مەملەكەتتىك باعدارلامانىڭ ەكى تەتىگى بويىنشا جەڭىلدىككە يە بولدى دەۋگە تولىق نەگىز بار. ءيا، ءسىز دۇرىس ءتۇسىندىڭىز - ەشتەڭە وندىرمەسەڭىز دە، جاي عانا الىپ- ساتۋمەن اينالىسساڭىز دا، مەملەكەت سىزگە قول ۇشىن سوزۋعا ءارقاشان ءازىر.

بۇل ماسەلەدە بايان جالعىز ەمەس. ماسەلەن، اقتوبە وبلىسىنىڭ قاندىاعاش قالاسىندا تۇراتىن جەكە كاسىپكەر راۋشان وتەبايەۆا ءوز قالاسىندا كافە اشۋ ءۇشىن «سبەربانكتەن» نەسيە الدى. وعان كافەگە قاجەتتى قۇرال- جابدىقتار ساتىپ الىندى. ەندى ول «بيزنەستىڭ جول كارتاسى-2020» باعدارلاماسىنىڭ ارقاسىندا نەسيەنىڭ ۇستىندەگى قوسىمشا ۇستەمەنىڭ تەك 4 پايىزىن تولەيتىن بولادى. بۇگىندە راۋشاننىڭ ءدامحاناسى قىزمەت كورسەتۋدى باستاپ كەتتى.

تەمىرتاۋ دا قاراعاندى وبلىسىنداعى تىرشىلىگى سايابىرسىعان شاعىن عانا قالاشىق. الايدا سوعان قاراماستان بيزنەسىن دوڭگەلەتىپ وتىرعان باتىل ادامدار از ەمەس. جۋىردا قالا تۇرعىندارى ءۇشىن جەكەمەنشىك مەديتسينالىق ورتالىق اشىلادى. جوبا يەسى مۇرات اجىعاليەۆ بۇل كاسىپپەن بۇرىننان اينالىسىپ كەلەدى. ءبىراق عيماراتى تار ءارى ەسكى بولاتىن. ەندى ەۋرازيالىق بانكتەن نەسيە الىپ، وعان عيمارات ساتىپ الدى. وندا جوندەۋ جۇمىستارىن جۇرگىزىپ، جاڭا مەديتسينالىق ورتالىق رەتىندە جابدىقتاپ شىقتى. مۇندا 5 جاڭا جۇمىس ورنى اشىلادى دەپ كۇتىلۋدە. بۇرىنعى مەدورتالىقتا گينەكولوگ جانە ۋرولوگ ماماندار جوق ەدى. ەندى وسى جانە باسقا دا مەدقىزمەت تۇرلەرى اشىلاتىنى انىق. ال مەملەكەت ونىڭ بانكتەن نەسيە الۋى ءۇشىن كەپىل بولدى.

ارينە، وسىنشا ادامدار جايلى ايتقاننان كەيىن باسقا مىسالدىڭ كەرەگى دە جوق بولار. ءبىراق قاسكەلەڭدىك بيزنەس- لەدي زاۋرە مەن قازالىنىڭ تۋماسى سانجار جايلى ايتپاي كەتۋگە بولمادى. زاۋرە تىلەشوۆانىڭ «ۆكۋسنىي دوم» اتتى كونديتەرلىك سەحى 30 ءتۇرلى تاتتىلەردى ءپىسىرىپ ساتىلىمعا شىعارادى. قازىردىڭ وزىندە 8 ادامدى ەڭبەكپەن قامتىپ وتىر. تاعى ءبىر ەرەكشەلىگى - تەك قوستانايلىق ۇن، تارازدىق قانت، الماتىلىق جۇمىرتقانى عانا قولدانادى. ونىڭ شيكىزاتى %  90 وتاندىق ءونىم ەكەنىنە قۋاناسىڭ. ال، سانجار ادىلبايەۆ ءوز كاسىبىن مەملەكەت كومەگىنىڭ ارقاسىندا باستادى. ستارتاپەر سانجار جوبا قۇنىنىڭ تەك% 30 - ىن ءوزى سالدى. قالعانىن مەملەكەت بەردى. ءسويتىپ ول بالالاردى ۇ ب ت- عا، باسقا دا ماڭىزدى سىناقتارعا ازىرلەيتىن، قوسىمشا ءبىلىم بەرەتىن وقۋ ورتالىعىن اشتى. «بيزنەس- كەڭەسشى» وقۋ ترەنينگىنەن ءوتىپ، سەرتيفيكات العان سوڭ وعان «ىسكەرلىك بايلانىستار» باڭدارلاماسى ارقىلى گەرمانياعا بارۋ مۇمكىندىگى تۋدى. ول بيزنەسىنىڭ جاڭا باستالىپ، قارقىن الىپ جاتقانىنا قاراماستان شەتەلدە 2 اپتا تاجىريبە الماسىپ قايتتى.

 بۇل ازاماتتاردىڭ بارلىعى شاعىن اۋىل- قالادا ءومىر سۇرگەنىنە قاراماستان، تالماس قاجىر- قايراتى مەن مەملەكەت كومەگىنىڭ ارقاسىندا جەتىستىككە جەتۋدە. ولار - ءسىزدىڭ اۋىلداس، جەرلەستەرىڭىز. ولاردىڭ قولىنان كەلگەن ءىس ءسىزدىڭ دە قولىڭىزدان كەلەرى انىق. 

سوڭعى جاڭالىقتار