استانادا ءبىلىم ساياباعى اشىلدى - فوتو

قالا تۇرعىندارى كونگرەسس- حولل سارايىندا ءوتىپ جاتقان كورمە ارقىلى ەلوردانىڭ ءبىلىم بەرۋدەگى جاڭاشىل ماتەريالدارمەن، دارىندى بالالاردىڭ جەتىستىكتەرىمەن، ءبىلىم بەرۋ مەكەمەلەرىنىڭ ۇزدىك يننوۆاتسيالىق جوبالارىمەن تانىسا الدى، دەپ حابارلايدى astana.kz.
- بۇگىنگى كورمەنىڭ باستى ماقساتى - ەنگىزىلىپ جاتقان يننوۆاتسيالىق- اقپاراتتىق تەحنولوگيالاردى كەڭىنەن تانىستىرۋ، قالانىڭ ءبىلىم بەرۋ مەكەمەلەرىنىڭ جەتىستىكتەرىن كورسەتۋ، سونىمەن قاتار ءبىلىم بەرۋ قىزمەتىنىڭ ساپاسىن ارتتىرۋ بويىنشا تاجىريبە الماسۋ، - دەدى «استانا دارىنى» ورتالىعىنىڭ ينتەللەكتۋالدى جارىستار زەرتحاناسىنىڭ ادىستەمەشىسى نۇرجامال ساعىروۆا.
كورمە اياسىندا ۇيىمداستىرىلعان ءبىلىم ساياباعى «بولاشاققا باعدارلانۋ» تەوريالىق اللەياسى مەن «نۇرلى جول» پراكتيكالىق اللەياسىنا بولىنگەن. تەوريالىق اللەيا كەلەسى تاقىرىپتار قامتيدى: ء«بىلىم بەرۋ مازمۇنىن جاڭارتۋ ءبىلىم ساپاسىن ارتتىرۋدىڭ شارتى رەتىندە»، «ساپالى جانە تابىستى وقىتۋدىڭ جاڭا ادىستەرى»، «دۋالدى وقىتۋ»، «تابىستى مەكتەپتەر قۇپياسى»، «كوپتىلدىلىك - ۇلت بولاشاعى».
«نۇرلى جول» اللەياسىندا قازاق حاندىعىنىڭ 550 جىلدىعى اياسىنداعى ينتەللەكتۋالدى سايىستىڭ تەاترلاندىرىلعان قويىلىمدارى مەن ينتەراكتيۆتى ساياباقتىڭ روبوتوتەحنيكاسىنىڭ تانىستىرىلىمىن، كىتاپ كورمەسىن تاماشالاۋعا بولادى.
ەسكە سالا كەتەيىك، تامىزدىڭ 20 -كۇنى كونگرەسس- حولل سارايىندا ساعات 11:00 دە ۇستازداردىڭ جىل سايىنعى تامىز كونفەرەنسياسى وتەدى.