15:26, 19 - تامىز 2015 | GMT +5
قىتايلىق ازامات رەسەيگە ۇرلەمەلى ماتراسپەن ءجۇزىپ وتۋگە ارەكەتتەنگەن
استانا. قازاقپارات - قىتاي ازاماتى رەسەيگە امۋر وزەنى ارقىلى ۇرلەمەلى ماتراسپەن ءجۇزىپ بارماقشى بولعان.

ەر ادام امۋر وبلىسى بيبيكوۆو اۋىلى ماڭىندا رەسەيلىك شەكارانى كەسىپ وتپەككە ارەكەتتەنگەن، دەپ حابارلادى ريا نوۆوستي.
«رەسەي ف ق ق امۋر وبلىسى بويىنشا شەكارا باسقارماسىنىڭ جاساعى ۇرلەمەلى ماتراسپەن مەملەكەتتىك شەكارانى كەسىپ وتپەكشى بولعان، ءتۇرى ازيالىق تۇلعانى قولعا ءتۇسىردى. ول ۇستالعان كەزدە قارسىلىق كورسەتپەگەن. قولىندا ق ح ر ازاماتىنىڭ جەكە باسىن كۋالاندىراتىن قۇجاتى (1989 -جىلى تۋىلعان)، ازىق- تۇلىگى بولعان»، - دەپ حابارلادى وڭىرلىك شەكارا قىزمەتىنىڭ باسپا ءسوز قىزمەتىنەن.
وعان 200 مىڭ رۋبلگە دەيىن ايىپپۇل سالىنۋى، ەكى جىلعا دەيىن ءماجبۇرلى جۇمىس ىستەۋ نە سول مەرزىمگە باس بوستاندىعىنان ايىرۋ جازاسى كەسىلۋى مۇمكىن.