شىمكەنتتىڭ بۇرىنعى اكىمى د. ساتىبالدى وڭتۇستىك قازاقستان وبلىسى اكىمىنىڭ ءبىرىنشى ورىنباسارى بولىپ تاعايىندالدى

شىمكەنت. قازاقپارات - وڭتۇستىك قازاقستان وبلىسى اكىمىنىڭ ءبىرىنشى ورىنباسارى بولىپ دارحان ساتىبالدى تاعايىندالدى، ول بەرىك وسپانوۆتىڭ ورنىن الماستىردى.
None
None

 ساتىبالدى دارحان امانگەلدى ۇلى 1974 - جىلى تۋعان، ءبىلىمى جوعارى، ماماندىعى - ەكونوميست- مەنەدجەر، ەكونوميكا عىلىمدارىنىڭ كانديداتى.

ەڭبەك جولىن 1991 - جىلى كەلەس اۋدانى كەلەس كەڭشارى كوممۋنيزم بولىمشەسىنىڭ جۇمىسشىسى بولىپ باستاعان. 1996-1999 - جىلدارى كەلەس اۋدانى «كەلەس» مەملەكەتتىك قازىنالىق كاسىپورنىنىڭ اعا ەكونوميسى، اقمولا قالاسى «كۋراكوۆ ي كو» ج ش س- ءنىڭ باس بۋحالتەرى، 1999-2011 - جىلدارى قازاقستان رەسپۋبليكاسى قارجى مينيسترلىگى قارجى باقىلاۋ كوميتەتى مەملەكەتتىك مەكەمەلەردەگى بيۋدجەتتىك راسىمدەرىنىڭ ورىندالۋىن باقىلاۋ باسقارماسىنىڭ مادەنيەت جانە سپورت ۇيىمدارىندا بيۋدجەتتىك قاراجاتتاردىڭ پايدالانىلۋىن باقىلاۋ ءبولىمىنىڭ جەتەكشى باقىلاۋشى- ريەۆيزورى، دەنساۋلىق ساقتاۋ جانە الەۋمەتتىك قورعاۋ ۇيىمدارىندا بيۋدجەتتىك قاراجاتتاردىڭ پايدالانىلۋىن باقىلاۋ ءبولىمىنىڭ باس مامانى- باس باقىلاۋشى- ريەۆيزورى، قازاقستان رەسپۋبليكاسى پرەزيدەنتىنىڭ ءىس باسقارماسى قارجى- ەكونوميكالىق ءبولىمىنىڭ ەكونوميكالىق تالداۋ جانە باقىلاۋ سەكتورىنىڭ رەفەرەنتى، كونسۋلتانتى، باس ساراپشىسى، بيۋدجەتتىك جوسپارلاۋ جانە قارجىلىق باقىلاۋ ءبولىمىنىڭ مەملەكەتتىك ساتىپ الۋلاردى ۇيىمداستىرۋ سەكتورىنىڭ مەڭگەرۋشىسى، استانا قالاسىنىڭ تۇرعىن ءۇي دەپارتامەنتى «جىلۋ» مەملەكەتتىك كوممۋنالدىق كاسىپورنى ديرەكتورىنىڭ مىندەتىن اتقارۋشى، قازاقستان رەسپۋبليكاسى جوعارعى سوتى جانىنداعى سوت اكىمشىلىگى جونىندەگى كوميتەتىنىڭ سوت ورىنداۋشىسى، قازاقستان رەسپۋبليكاسى ءبىلىم جانە عىلىم مينيسترلىگى بيۋدجەتتىك، قارجى دەپارتامەنتتەرى ديرەكتورىنىڭ ورىنباسارى، عىلىم كوميتەتى ءتوراعاسىنىڭ ورىنباسارى، قازاقستان رەسپۋبليكاسى ۇلتتىق قاۋىپسىزدىك كوميتەتى دەپارتامەنتىنىڭ باسشىسى قىزمەتتەرىن اتقارعان.

 2011 - جىلدىڭ تامىز ايىنان باستاپ قازاقستان رەسپۋبليكاسى پرەمەر- ءمينيسترىنىڭ كەڭسەسى الەۋمەتتىك- ەكونوميكالىق ءبولىم مەڭگەرۋشىسىنىڭ ورىنباسارى بولدى.

2013 -جىلدىڭ 27 - مامىرىنان شىمكەنت قالاسىنىڭ اكىمى قىزمەتىندە ەڭبەك ەتتى.

سوڭعى جاڭالىقتار