ازۋىن ايعا بىلەگەن الىپ ەلدەردە دە ءوز ۇلتىن اڭسايتىن ازاماتتار تۇرادى

استانا. قازاقپارات - الەمدە تالاي قىزىق بار دەگەن وسى. ازۋىن ايعا بىلەگەن الىپ ەلدەردە دە ءوز ۇلتىن اڭسايتىن ازاماتتار تۇرادى دەسە سەنبەس ەدىك. سويتسەك، راس ەكەن. ءيا، ول - ميللياردەر. ونىڭ ەسىمى - جالسا ۋرۋبشۋروۆ.
None
None

 ا ق ش- تىڭ نيۋ دجەرسي شتاتىنداعى حاۋەل تاۋيشير قالاسىندا دۇنيەگە كەلگەن. امەريكا- دا ومىرگە كەلسە دە، اتامەكەنىنە دەگەن ساعىنىش ونى تۋعان جەرگە جەتەلەپتى.

 ونىڭ تەگى -  قالماق- موڭعول. اتا- اناسى ستاليندىك رەجيمنىڭ كەسىرىنەن قۋعىن- سۇرگىنگە ۇشىراپ، اقىرىندا 1952 -جىلى امەريكاعا تابان تىرەگەن. ا ق ش- تا ومىرگە كەلسە دە، تەگىن ۇمىتپاعان ۇل 1990 -جىلدارى موڭعولياعا ات باسىن بۇرادى. ميللياردەردىڭ تۋعان جەرىنە قايتا ورالۋىنا موڭعوليانىڭ سول كەزدەگى پرەمەر- ءمينيسترى د. ءبيامباسۇرەن سەبەپشى بولىپتى.

بالا بوپ كۇلمەدى. بالا بوپ ەركەلەي دە المادى. وتباسىنداعى قيىندىق-

تار ونى جاستايىنان ەڭبەككە ارالاسۋعا ءماجبۇر ەتتى. «اشتىقتا جەگەن قۇيقانىڭ ءدامى اۋىزدان كەتپەيتىنى» بەلگىلى. بالا جالسانى قيىندىقتىڭ اشى ءدامى ەرتە ەسەيتتى. تۇرمىستىڭ اۋىرتپالىعىنا قاراماستان، تۋعان ەلدىڭ تاريحىن، موڭعول ءتىلىن، جازۋىن اكەسى بالاسىنىڭ ساناسىنا سىڭىرۋگە تىرىستى.

 وسىلايشا، ەميگرانتتاردىڭ ۇلى بابالارىنىڭ ءتىلىن مەڭگەردى، موڭعول حالقىنىڭ مادەنيەتى مەن ءداستۇرىن بويعا ءسىڭىرىپ ءوستى. ا ق ش- تا ءومىر سۇرسە دە، اتاتەگىن ۇمىتقان ەمەس. 1989 -جىلى جالسا ۋرۋبشۋروۆ «وول- تەك» اتتى جەكە كومپانياسىن قۇردى. قازىر بۇل الەمدەگى ەڭ تانىمال ءىرى قۇرىلىس كومپانيالاردىڭ ءبىرى. امەريكادا 40 مىڭعا جۋىق ۇيلەر مەن پاتەرلەر تۇرعىزدى. سول ەڭبەگى ءۇشىن ا ق ش- تىڭ ۇلتتىق سىيلىعىن يەمدەندى.

 1990 -جىلداردان باستاپ، جالسا تۋعان جەرىنە قىزمەت ەتەمىن دەپ شەشتى. بابالارىنىڭ مەكەنىندە العاش «نوماديك ەكسپەديشنز» تۋريستتىك كومپانياسىنىڭ نەگىزىن قالادى. بۇل كومپانيا بۇگىندە قاناتىن كەڭگە جايىپ، الەمدىك تۋريستىك كومپانيالاردىڭ ەلۋلىگىنە ەنگەن. جالسا مىرزا ا ق ش- تا ءومىر سۇرگەنىمەن، جاز مەزگىلىندە موڭعولياعا كەلۋدى داستۇرگە اينالدىرعان.

 تۋعان جەرىنە كىندىگى بايلانعان دەپ وسىنى ايتسا كەرەك. كوشپەندى حالىقتىڭ ۇرپاعى كوشپەندى جۇرتىنىڭ ءداستۇرى مەن سالتىنان ۇزاپ كەتە المادى. بويىنداعى كوشپەندىلەردىڭ قانى تەگىنە قاراي تارتاتىنى راس. ا ق ش- تا ءسان مەن سالتاناتقا ورانسا دا، ميللياردەردىڭ تەگىن ىزدەۋى نەنىڭ بەلگىسى؟ ! اتا- بابا جەرىنە، اتا داستۇرگە، ءتىل مەن دىلگە قۇرمەت ەمەس پە؟

قازاق «قانىنا تارتپاعاننىڭ قارى سىنسىن» دەيدى. تەگىنەن بەزىنبەسىن، تىلىنەن ايىرىلماسىن دەگەن ماقساتپەن ايتىلسا كەرەك. قانىنان بەزىپ، تىلىنەن ايىرىلىپ، ءدۇبارا كۇي كەشىپ جاتقاندار جالسا سەكىلدى ۇلتىنا جانى اشىمايتىنى وكىنىشتى. تۋعان جەردەن بەزىنگەندەر تۋعان ەلدىڭ قادىرىن قايدان ۇقسىن؟!

 مۇحيت اسقان موڭعول ۇل ۇلتتىق تامىرىنان اجىراماۋ ءۇشىن جانتالاسىپ ءجۇر.

ءبىز كەرىسىنشە، ۇلتتىق قۇندىلىقتاردى تارك ەتكىمىز كەلەدى.. .

اينا حاسان

«ايقىن» 

سوڭعى جاڭالىقتار