10:13, 19 - تامىز 2015 | GMT +5
ا ق ش عالىمدارى زەرتحانادا ادام ميىن ءوسىرىپ شىعاردى
استانا. قازاقپارات - ا ق ش عالىمدارى زەرتحانادا العاش رەت ادام ميىن ءوسىرىپ شىعاردى، دەپ جازادى بي- بي- سي اگەنتتىگى.

تەرى جاسۋشاسىنان وسىرىلگەن ورگانويد كولەمى جاعىنان بۇرشاقتان ءسال ۇلكەندەۋ، الايدا قىزمەتى مەن قۇرىلىمى جاعىنان بەس اپتالىق ادام ۇرىعىنىڭ ميىنان اسا ايىرماشىلىعى جوق. ورگانويدتان ۇرىقتالعان جۇلىن مەن كوز بولىنەدى.
عالىمدار تۇسىندىرگەندەي، پروتو ميدىڭ زەردەسى جوق، ەكسپەريمەنتتەر التسگەيمەر اۋرۋىمەن كۇرەسۋگە جاڭا تاسىلدەر وڭدەۋگە جاردەمدەسەدى دەگەن بولجام جاساپ وتىر.
«ادامدارعا قايعى، قاسىرەت اكەلەتىن مي اۋرۋىنا بايلانىستى كۇردەلى ماسەلەلەردى شەشۋ ءۇشىن كوپتەن بەرى جۇمىس جۇرگىزىپ كەلەمىز. بۇل ۇلگىنىڭ پايدا بولۋى مەديتسيناعا ەلەۋلى وزگەرىس اكەلۋى مۇمكىن»، - دەدى بي- بي- سيگە بەرگەن سۇحباتىندا وگايو ۋنيۆەرسيتەتىنەن زەرتتەۋ توبىنىڭ باسشىسى رەنە اناند.