قازاقستان سىرتتان كەلەتىن كونترافاكتىلىك ازىق-تۇلىكتى جويىپ وتىراتىن بولادى

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
ب. ساعىنتايەۆ قازاقستانعا وتە كوپ كونترافاكتىلى ءونىم كىرگىزىلەتىنىن، ونىڭ ىشىندە ازىق- تۇلىك ءونىمى سەكتورى دا بار ەكەنىن ايتا كەلە، «ياعني سۇتتەن جاسالعان سۋسىندار ءسۇت رەتىندە، ال مارگارين سارى ماي رەتىندە اكەلىنەدى. ءبىز كونترافاكتى بويىنشا ۆەدومستۆوارالىق كوميسسيا قۇرۋ تۋرالى شەشىم قابىلدادىق»، - دەدى.
قازىرگى كەزدە كوميسسياعا وتىنىمدەر تۇسۋدە. وسى پروبلەمامەن كۇرەستە بارشا باقىلاۋشى ورگاندار جۇمىلدىرىلدى.
«ناتيجەسىندە ءونىم دەنساۋلىققا زيانىن كەلتىرسە، ونى جويىپ وتىرامىز، سونداي-اق ءونىمدى كىرگىزۋگە تىيىم سالىنادى نەمەسە ونى وندىرگەن ەلگە قايتاراتىن بولامىز»، - دەدى ول.
اۆتور: رۋسلان عابباسوۆ