ا پ و ە ل باپكەرى: «استانا- ارەنانىڭ» جاساندى الاڭىنىڭ كەسىرىنەن كوماندامىز جەڭىلىسكە ۇشىرادى

استانا. قازاقپارات - بۇگىن «استانا- ارەنادا» چەمپيوندار ليگاسىنىڭ پلەي- وفف كەزەڭىنىڭ العاشقى ماتچىندا «استانا» فۋتبول كلۋبىنان 1:0 ەسەبىمەن جەڭىلگەن ا پ و ە ل كومانداسىنىڭ باس باپكەرى دومينگۋش پاسەنسيا ويىننان كەيىن جۋرناليستەرگە باسپا ءسوز ءماسليحاتىن وتكىزە وتىرىپ، ءساتسىز ويىنعا جاساندى الاڭدى كىنالادى.
None
None

«ويىندى ورايلى باستاماعانىمىزدى بىلەمىن، ءبىراق، ءبىز دايىندىقسىز كەلدى دەگەنمەن كەلىسە المايمىن. «استانا» ويىندى شابۋىلمەن باستادى، سونداي- اق، ويىننىڭ باسىنداعى گول ويىنشىلارعا اسەر ەتتى. قارسىلاسىمىزدىڭ قاقپاسىنا بىرنەشە رەت گول سالۋعا مۇمكىندىك بولعانىمەن، دوپ قاقپاعا دارىمادى.

بۇل جەڭىس «استانا» كومانداسى چەمپيوندار ليگاسىنىڭ توپتىق كەزەڭىنە وتەدى دەگەندى بىلدىرمەيدى. ەكى كوماندانىڭ توپتىق كەزەڭنەن ءۇمىتى بىردەي دەڭگەيدە قالدى»، - دەي كەلە، د. پاسەنسيا اپوەل 26 - تامىز كۇنى ءوز الاڭىندا بارىن سالاتىنىن اتاپ ءوتتى.

د. پاسەنسيانىڭ پىكىرىنشە، اپوەل ويىنشىلارىنىڭ جەڭىلىسىنە «استانا- ارەنا» ستاديونىنىڭ جاساندى الاڭى كەسىرىن تيگىزگەن.

اۆتور: كەنجەكەي توقتامۇرات قىزى

سوڭعى جاڭالىقتار