ەرلان اۋكەنوۆ الماتى قالاسى اكىمىنىڭ ورىنباسارى قىزمەتىنە تاعايىندالدى

 الماتى. قازاقپارات - الماتى اكىمى باۋىرجان بايبەكتىڭ بۇيرىعىمەن ەرلان اۋكەنوۆ الماتى قالاسى اكىمىنىڭ ورىنباسارى قىزمەتىنە تاعايىندالدى.
None
None

 ە. اۋكەنوۆ جاڭا جۇمىس ورنىندا يندۋستريالدى- يننوۆاتسيالىق دامۋ، ساۋدا، شوب، تۋريزم، تابيعاتتى پايدالانۋ ماسەلەلەرىمەن اينالىساتىن بولادى.

ەستەرىڭىزگە سالا كەتەيىك، وسىعان دەيىن الماتى قالاسى اكىمىنىڭ ورىنباسارى لاۋازىمىندا بولعان ەربول شورمانوۆ باسقا جۇمىسقا اۋىسۋىنا بايلانىستى بۇل قىزمەتتەن كەتتى.

ەرلان مۇرات ۇلى اۋكەنوۆ الماتى قالاسىندا تۋىلعان. ءال- فارابي اتىنداعى قازاق ۇلتتىق ۋنيۆەرسيتەتىنىڭ ەكونوميكا فاكۋلتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا ءتامامداعان. «بولاشاق» باعدارلاماسى بويىنشا برەدفورد ( ۇلى بريتانيا) ۋنيۆەرسيتەتىن «مەملەكەتتىك ساياسات» ماماندىعى بويىنشا بىتىرگەن. حالىقارالىق بيزنەس اكادەمياسىن «كورپوراتيۆتى مەنەدجمەنت» ماماندىعى بويىنشا ءتامامداعان، МВА دارەجەسى بار.

2002 -جىلدان 2007 - جىلعا دەيىن بيزنەس قۇرىلىمدار مەن ۇكىمەتتىك ەمەس ۇيىمداردا جۇمىس ىستەگەن.

2007 - جىلدان 2008 - جىلعا دەيىن «سامعاۋ» ۇلتتىق عىلىمي- تەحنيكالىق حولدينگتىڭ اكتيۆتەرىن باسقارۋ جونىندەگى دەپارتامەنت ديرەكتورىنىڭ ورىنباسارى بولعان.

2008 - جىلدان 2010 دەيىن ءبىلىم جانە عىلىم مينيسترلىگىنىڭ كومەكشىسى، كەيىن ءبىلىم جانە عىلىم مينيسترلىگى دەپارتامەنتىنىڭ ديرەكتورى قىزمەتتەرىن اتقارعان.

2010 - جىلدان 2011 - جىلعا دەيىن شىعىس قازاقستان وبلىسى اكىمى اپپاراتىندا باسشى قىزمەتتەردە بولعان.

2011 -جىلدان 2014 - جىلدىڭ ساۋىرىنە دەيىن ق ر پرەزيدەنت اكىمشىلىگىندە مەملەكەتتىك ينسپەكتور لاۋازىمىندا (قاراعاندى وبلىسى مەن ق ر يندۋستريا جانە جاڭا تەحنولوگيالار مينيسترلىگىنە جەتەكشىلىك ەتكەن) بولعان.

2014 - جىلدىڭ ساۋىرىنەن سولتۇستىك قازاقستان وبلىسى اكىمىنىڭ كاسىپكەرلىكتى دامىتۋ، ونەركاسىپ، سىرتقى ەكونوميكالىق بايلانىس جانە تۋريزم ماسەلەلەرى بويىنشا ورىنباسارى قىزمەتىن اتقاردى.

اۆتور: گۇلميرا عوسمانالي

سوڭعى جاڭالىقتار