ي. تاسماعامبەتوۆ: «قازاقپارات» عاسىرعا جۋىق تاريحىندا قازاق حالقىنىڭ قۋانىشى مەن قايعىسىن بىرگە ءبولىسىپ كەلەدى

«قۇرمەتتى داۋرەن كەڭەس ۇلى! ءسىزدى جانە ءوزىڭىز باسقارىپ وتىرعان ۇجىمدى «قازاقپارات» حالىقارالىق اگەنتتىگىنىڭ 95 جىلدىق مەرەيتويىمەن شىن جۇرەكتەن قۇتتىقتايمىن. «قازاقپارات» ءبىر عاسىرعا جۋىق تاريحىندا قازاق حالقىنىڭ قۋانىشى مەن قايعىسىن بىرگە ءبولىسىپ، قازاقستان رەسپۋبليكاسى تاۋەلسىزدىگىنىڭ جاريالانۋى تۋرالى اقجولتاي اقپاراتتى العاشقىلاردىڭ ءبىرى بولىپ الەمگە تاراتتى.
بۇگىندە ءوزىنىڭ شىعارماشىلىق مەكتەبى قالىپتاسقان جاڭالىقتار ورداسىندا مىڭداعان جاس تىلشىلەر شىڭدالىپ شىقتى. ءبۇتىن ءبىر ءداۋىردىڭ شەجىرەسىن جيناپ، جاقسىلىقتى جاريا ەتۋگە اسىعاتىن اگەنتتىكتىڭ بەدەلى جىلدان جىلعا ارتىپ، ءورىسى كەڭەيدى.
رەداكسيا ۇجىمىنىڭ كاسىبي بىلىكتىلىگى مەن شىعارماشىلىق باستامالارى ارقاسىندا قوعامدا وتانسۇيگىشتىك، ەرلىك، باتىرلىق قۇندىلىقتارى ورىندى دارىپتەلىپ وتىر. بۇل ورايدا، ءسىز ارقىلى «قازاقپارات» ۇجىمىنا جانە بارشا وقىرماندارىنا ىستىق ىقىلاسىمدى جەتكىزگىم كەلەدى.
الداعى ۋاقىتتا دا ابىرويلارىڭىز اسقاقتاپ، جاقسىلىقتى جاريا ەتۋ جولىنداعى يگى باستامالارىڭىز جاراسىمدى جالعاسىن تاباتىنىنا سەنىمدىمىن. ءوزىڭىزدى جانە ۇجىمىڭىزدى تاعى دا قۇتتىقتاي وتىرىپ، زور دەنساۋلىق، قاجىماس قايرات، تولايىم تابىستار تىلەيمىن!» ، دەلىنگەن قۇتتىقتاۋدا.