ەلوردالىق تىگىن فابريكاسى جۇمىسشىلارعا ارناپ كيىم تىگەدى - فوتو

استانا. قازاقپارات - ەلوردالىق «يۋتاريا LTD»  تىگىن فابريكاسى استانا قالاسىنىڭ يندۋستريالدى ساياباعىندا اعىمداعى جىلدىڭ ءساۋىر ايىنان باستاپ ءوز جۇمىسىن جۇرگىزۋدە. تىگىن فابريكاسىندا جۇمىس ىستەپ جۇرگەن ادامداردىڭ كوبى قالا اكىمدىگىنىڭ جۇمىسپەن قامتۋ ورتالىعى ارقىلى قىزمەتكە ورنالاسقان.

بۇل تۋرالى استانا قالاسى اكىمدىگىنىڭ رەسمي سايتى حابارلادى.

 - بىزدە فابريكادا بولۋى ءتيىس بارلىق سەحتار بار. اتاپ ايتقاندا، تىگىنشىلىك، توقىما، قۇرىلىم جاساۋ، ەكسپەريمەنتتىك سەحتار. استانا قالاسىندا وسىنداي ءىرى كاسىپورىننىڭ بارى قۋانىشتى جاعداي. قازاقستاندا جاسالعان ونىمدەردىڭ ساپاسى وزگە ەلدەردىڭ ونىمدەرىنەن كەم ەمەس. وتاندىق تاۋارلاردى تۇتىنۋعا شاقىرامىن، - دەيدى  «Ютария LTD»  ج ش س- ءنىڭ تىگىنشىلىك ءونىدىرىس ديرەكتورى ساۋلە يساتايەۆا.

بۇدان بولەك، «Ютария LTD»، «Zoje»  تىگىن قۇرالدارىنىڭ رەسمي وكىلى بولىپ تابىلادى. مۇندا جۇمىسشىلار تىگىن قۇرالىن جاساۋمەن اينالىسادى. قۇرالدار زامان تالابىنا ساي جانە اۆتوماتتاندىرىلعان، بۇل ءوز كەزەگىندە ءوندىرىس ەڭبەگىن % 40 ارتتىرادى.

 تىگىن فابريكاسى جىلىنا 100 مىڭ دانا ءونىم شىعارۋدى ماقسات ەتىپ وتىر. بۇگىندە تىگىن فابريكاسى ءىرى قۇرىلىس كومپانيالارىمەن، مەملەكەتتىك مەكەمەلەرمەن بىرىگىپ جۇمىس اتقارۋدا. اتاپ ءوتۋ كەرەك، الداعى ۋاقىتتا اتالمىش تىگىن فابريكاسى LRT (جەڭىل رەلستى ترامۆاي جولى) جۇمىسشىلارى ءۇشىن كيىم ۇلگىسىن دە دايارلايدى دەپ كۇتىلۋدە.