رەسەيگە قاتىستى سانكتسيالار قازاقستانعا جاناما اسەر ەتۋدە - ساراپشى

 استانا. قازاقپارات - رەسەيگە قاتىستى سانكسيالار قازاقستانعا جاناما اسەر ەتۋدە. مۇنداي پىكىردى ەۋرازيالىق دامۋ بانكى ساراپتامالىق باسقارماسىنىڭ ءبولىم باستىعى ارمان اقىنبايەۆ ءبىلدىردى.
None
None

«رەسەيدە ورىن الىپ جاتقان تەرىس اسەردىڭ قازاقستانعا جاناما اسەرى بار. ءبىراق، رەسەيگە قاتىستى سانكسيالاردىڭ قازاقستانعا تىكەلەي قاتىسى بولعان جوق دەپ ايتۋعا بولادى»، - دەدى ول.

 ونىڭ اتاپ وتۋىنشە، ءبىرقاتار رەسەيلىك ساياساتشىلار مەن بيزنەسمەندەرگە قاتىستى ا ق ش پەن ەۋرووداقتىڭ جەكەلەگەن سانكسيالارى قازاقستانعا ەش اسەر ەتپەيدى.

«قارجى ماسەلەسىنە كەلگەن كەزدە دە ونىڭ اسەرىنىڭ شەكتەۋلى ەكەندىگىن اتاپ وتكەن ورىندى. ماسەلەن، رەسەي قازاقستانعا باعىتتالعان تىكەلەي شەتەل ينۆەستيتسياسى قۇرىلىمىندا شەكتەۋلى رولگە عانا يە. 2014 -جىلدىڭ قورىتىندىسى بويىنشا، ونىڭ ۇلەسى بارلىق شەتەل ينۆەستيتسياسىنىڭ شامامەن 6,4 پايىزىن قۇرادى. جالپى سىرتقى قارىز ۇلەسى دە رەسەي 4 پايىزدى عانا الادى»، - دەدى ا. اقىنبايەۆ.

ءبولىم باستىعىنىڭ سوزىنە قاراعاندا، نەگىزگى اسەر سىرتقى ساۋدا ارنالارىنا تيەسىلى بولىپ وتىر. بۇگىندە قازاقستاننىڭ بارلىق يمپورت قۇرىلىمىنداعى رەسەيلىك تاۋارلار مەن قىزمەتتەر ۇلەسى 33 پايىزدى قۇرايدى. ال ءبىزدىڭ ەلىمىزدەن ەكسپورتتالاتىن تاۋاردىڭ تەك 9 پايىزى عانا رەسەيگە بارادى.

 اۆتور: مارلان جيەمباي

سوڭعى جاڭالىقتار