شاڭعىشىلار جاتتىعۋ جاساۋدىڭ تىڭ ءتاسىلىن ويلاپ تاپتى

استانا. قازاقپارات - شىعىس قازاقستاندىق شاڭعىشىلار جازدا دا سپورتتان قول ۇزبەۋدىڭ جاڭا ءتاسىلىن ەنگىزدى.

بۇقتىرما سۋ قويماسىندا سپورتشىلار ۇزىندىعى 30 مەتر بولاتىن ترامپلين تۇرعىزعان. ولار اكروباتيكانىڭ كۇردەلى جاتتىعۋلارىن وتكىزۋدە. دايىندىقتىڭ مۇنداي تۇرلەرى اسىرەسە جاراقات العان سپورتشىلاردىڭ قالىپقا كەلۋى ءۇشىن اسا قاجەت ەكەن.

ويتكەنى سۋ قارعا قاراعاندا تىعىز كەلەدى. سوندىقتان سۋعا سەكىرۋ اناعۇرلىم قاۋىپسىز. قىتايدا وتكەن الەم چەمپيوناتىنىڭ كۇمىس جۇلدەگەرى دميتري رەيحەرد ءتۇرلى جاتتىعۋ جاساپ، سىناپ كوردى.

دميتري رەيحەرد، موگۋلشى:

- فريستايلشىلاردىڭ جاز ماۋسىمىندا باس قوسۋى وتە ماڭىزدى. اسىرەسە سۋ ترامپلينى سىندى جاتتىعۋلار. جاڭا ەلەمەنتتەر قوسىپ سەكىرەمىز. كۇردەلى فيگۋرالاردى جاسايمىز. بۇل سپورتشىلاردىڭ دايىندىعىن شىڭداۋىنا زور ۇلەس قوسادى.

www.24.kz