شەتەلدەگى قازاق جاستارى، قاپىدا قالماڭىزدار

استانا. قازاقپارات - شەتەلدەگى "قازاقستان ستۋدەنتتەر اليانسى" تاراپىنان شەتەلدەگى قازاق ۇلتىنىڭ ازاماتتارىن قازاقستاندا وقىتۋعا قولداۋ كورسەتۋ ماسەلەسى كوتەرىلگەن بولاتىن. سوندىقتان شەتەلدە وقيتىن جاستار، سىزدەرگە اقپارات رەتىندە جانە مۇمكىندىك بولسا، سول ەلدەگى قاراكوز جاستارعا اقپاراتتى جەتكىزە جۇرىڭىزدەر!

ءبىلىم جانە عىلىم مينيسترلىگى تارىپىنان جىل سايىن قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ازاماتتاردى وقىتۋ ءۇشىن قازاقستان رەسپۋبليكاسىنىڭ جوعارى وقۋ ورىندارىنىڭ دايىندىق بولىمدەرىندە 1400 ورىن بولىنەدى. دايىندىق كۋرسىن بىتىرگەننەن كەيىن جوعارى وقۋ ورىندارىنا ەمتيحان تاپسىرىپ، كۆوتا شەڭبەرىندە باكالاۆريات باعدارلاماسىمەن وقۋعا مۇمكىندىكتەرى بار.

بيىلعى جىلى قازاقستان رەسپۋبليكاسى ازاماتتارى بولىپ تابىلمايتىن ۇلتى قازاق ادامدارعا جانە شەتەل ازاماتتارى ءۇشىن كەشەندى تەستىلەۋ:

- موڭعوليادا جانە تاجىكستان رەسپۋبليكاسىندا 2015 -جىلعى 24-29 -تامىز ارالىعىندا؛

- ءال- فارابي اتىنداعى قازاق ۇلتتىق ۋنيۆەرسيتەتى، س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى، سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتى، جاڭگىر حان اتىنداعى باتىس قازاقستان اگرارلىق تەحنيكالىق ۋنيۆەرسيتەتى، ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى، م. ح. دۋلاتي اتىنداعى تاراز مەملەكەتتىك ۋنيۆەرسيتەتى، م. و. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى، كوكشەتاۋ مەملەكەتتىك ۋنيۆەرسيتەتى بازاسىندا 2015 -جىلعى 28 -تامىز - 2 -قىركۇيەك ارالىعىندا بەلگىلەندى.

اقپارات قازاقستان رەسپۋبليكاسى ءبىلىم جانە عىلىم مينيسترلىگىنىڭ مامانى اقەركە ابىلايحان قىزىنىڭ Facebook پاراقشاسىنان