ايەلىن ورتەپ جىبەرگەن ق. سادۋوۆ تۋرالى اقپاراتقا استانا ءى ءى د قوماقتى سىياقى ۇسىندى - فوتو
«استانا قالالىق ءى ءى د اسا اۋىر قىلمىس جاساعانى ءۇشىن 30.10.1972 جىلعى سادۋوۆ قانات عايسا ۇلىنا ىزدەۋ سالۋدا.
بۇل ەر ادامنىڭ ورنالاسقان ورنى تۋرالى اقپارات بەرە الاتىن ازاماتتاردى: 716329(7172)، 716029, 716022, 716010، نەمەسە 87472277940, 87789170578 تەلەفون نومىرلەرىنە، 87472277940, 87789170578 ۇيالى تەلەفوندارىنا حابارلاسۋدى سۇرايمىز. ەسىمدەرىنىڭ اتالماۋى جانە قوماقتى سىياقىنىڭ بەرىلۋىنە كەپىل بەرىلەدى»، - دەلىنگەن بۇگىن تاراتىلعان حابارلامادا.
ەستەرىڭىزگە سالا كەتەيىك، قىلمىستى 26 -ماۋسىم كۇنى № 25 -ورتا مەكتەپ جانىندا 43 جاستاعى قانات سادۋوۆ جاساعان. ەر ادام بۇل مەكتەپتە جۇمىس ىستەگەن بۇرىنعى زايىبى سۆەتلانا سادۋوۆانىڭ ۇستىنە بەنزين قۇيىپ، ورتەپ جىبەردى. بەتى، مويىنى، كەۋدەسى مەن ارقاسىن تەرميالىق كۇيىك شالعان ايەل 2- جانە 3- دارەجەلى كۇيىك شوگىمەن اۋرۋحاناعا جەتكىزىلدى. سەنبى كۇنى كەشكە مۇعالىم العان جاراقاتتارىنان كوز جۇمدى.
س. سادۋوۆانىڭ ارتىندا ءتورت بالاسى قالدى.
