اۋىلدا ايۋ نە قىپ ءجۇر؟

استانا. قازاقپارات - ا ق ش- تىڭ ايداحو شتاتىنداعى تۇرعىن ۇيلەردىڭ بىرىندە ەسىكتەگى مىسىق پەن ءيتتىڭ كىرىپ شىعۋىنا ارنالعان تەسىككە ورمان تاعىسى قوڭىر ايۋدىڭ باسى قىستىرىلىپ قالدى.

مۇنى سۋرەتكە ءتۇسىرىپ العان ءۇي يەسى الەۋمەتتىك جەلى ارقىلى تانىمال بولىپ شىعا كەلدى، دەپ جازادى شەتەلدىك ب ا ق.

الەۋمەتتىك جەلىدە سۋرەت تاراتقان دۋگ حاردەر ەسىمدى شتات تۇرعىنى ايۋدىڭ ۇيىنە قالاي «قوناققا» كەلگەنىن ايتقان. بۇدان ءبىر كۇن بۇرىن ايۋ ونىڭ ۇيىنە كەلىپ، اشىق قالعان ەسىكتەن كىرگەن. ءۇيدى تالقانداپ، تاماقتاردى جەپ كەتكەن ەكەن. دانىككەن ايۋ سول ىزىمەن ەرتەڭىندە قايتىپ كەلگەندە ەسىك جابىق بولعان. «تىمىسكىلەپ ءجۇرىپ ەسىكتەگى تەسىككە ەندى باسى قىستىرىلىپ قالدى»، دەپ جازادى كۇلكىگە قارىق بولعان ءۇي يەسى.

وسىدان كەيىن ول ۆەتەرينارلاردى كومەككە شاقىرىپ، قۇتقارۋشىلاردىڭ كومەگىمەن ايۋدان قۇتىلعان.