ورالدا تولعاق قىسقان انا ليفتىدە قامالىپ قالدى

ويتكەنى وسىندا تۇراتىن جاس انانى تولعاق قىسىپ جاتىر ەكەن. قۇرامىندا دارىگەر جانە ورتا مەديتسينالىق قىزمەتكەرى بار جەدەل جاردەم توبى جوعارى قاباتقا كوتەرىلەدى. ليفت جۇمىس ىستەپ تۇرعان. كوپ كەشىكپەي تولعاق قىسقان انامەن بىرگە تومەن ءتۇسۋ ءۇشىن قايتادان ءبارى ليفتىگە كىرەدى. دەگەنمەن، ءدال وسى ساتتە ليفت ىستەن شىعىپ كۇرت توقتاپ قالادى دا ولار سونىڭ ىشىندە «قامالادى». ونىڭ ءىشى كوزگە تۇرتسە كورگىزسىز، تاس تۇنەك قاراڭعىلىق. توتەنشە جاعدايلار جونىندە وبلىستىق دەپارتامەنتتىڭ جەدەل قۇتقارۋشىلار توبىنا حابار بەرىلگەننەن كەيىن ولار وقيعا ورنىنا تەز جەتەدى.
قۇتقارۋشىلار ارناۋلى كىلتتىڭ كومەگىمەن ليفتىنىڭ قاۋسىرمالى ەسىگىن اشقان كەزدە تولعاق قىسقان ايەلدىڭ ۇستىنەن تۇسەدى. ايتسە دە ونىڭ قاسىندا دارىگەر مەن ورتا مەديتسينا قىزمەتكەرى بولۋى وقيعانىڭ زارداپسىز اياقتالۋىنا اسەرىن تيگىزگەن.
قۇتقارۋشىلارعا شۇعىل كومەگى مەن كاسىبي شەبەرلىگى ءۇشىن جەدەل جاردەم دارىگەرلەرى شىنايى ريزاشىلىعىن جانە العىس سەزىمدەرىن ءبىلدىردى، دەپ حابارلايدى egemen.kz.