بويجەتكەندەر «بايتەرەكتى» باسىنا قوندىرىپ، حانشايىمدار «قازاقستاندى» ءتاج قىلىپ كيىپ جۇرتتى تاڭعالدىردى - فوتو

استانا. قازاقپارات - قازاقستاندىق ارۋلار سەلفيدىڭ جاڭا ءتۇرىن ويلاپ تاپتى. سۋرەتكە ءتۇسۋدىڭ جاڭا ءتۇرىنىڭ قاسىندا بەلفي دە، باسقاسى دا باسەكەلەس بولا الماي قىلعان سىڭايلى. سەبەبى الەۋمەتتىك جەلىدە ارۋلاردىڭ بۇل سۋرەتتەرىنە قىزىعۋشىلىق تانىتقان جۇرت كوپ.

وقيعا بىلاي باستالدى. اۋەلى ءوزىنىڭ فەيسبۋكتەگى پاراقشاسىنا بەلگىلى بلوگەر الەكساندر سوي «باسىنا «بايتەرەكتى» قوندىرعان» بويجەتكەننىڭ سۋرەتىن جاريالاپ، وعان: «ەگەر ءسىز استانادا بولا تۇرىپ، وسىنداي سۋرەتكە تۇسپەگەن بولساڭىز، ۋاقىتىمدى بەكەر وتكىزدىم دەپ ساناڭىز»، - دەگەن پىكىر جازدى.

  

اراعا ءبىر كۇن سالىپ وڭتۇستىك استانامىزدىڭ دينارا ءسابيتوۆا ەسىمدى ارۋى ايگىلى «قازاقستان» قوناق ءۇيىن «ءتاج قىلىپ كيگەن» سۋرەتىمەن ءبولىستى. الەكسانر سوي بۇل سۋرەتتى دە نازاردان تىس قالدىرماي: «دەگەنمەن، ءبىزدىڭ قىزدار وتە تاپقىر. كەشە عانا استانالىق بويجەتكەننىڭ سۋرەتىن جاريالاعان ەدىم، بۇگىن Dinara Sabitova ءوزىنىڭ «قازاقستان» قوناق ءۇيىنىڭ الدىندا تۇسكەن مىنا سۋرەتىن جولداپتى. ءبىر قىزىعى، بۇل قوناق ءۇيدى سالعانداردىڭ قاتارىندا ونىڭ اتاسى دا بار ەكەن. ەندى سىزدەر ەكى استانادا دا قالاي سۋرەتكە ءتۇسۋ كەرەكتىگىن بىلگەن شىعارسىزدار؟» - دەگەن پىكىر جازىپ، پاراقشاسىنا سالدى.

  

دينارا ءسابيتوۆا بولسا بۇل جاڭالىققا فەيسبۋكتەگى پاراقشاسىندا مىنانداي پىكىر ءبىلدىرىپتى: «مىناۋ ءبىر شاعىن يرونيا. مەنىڭ سۋرەتىممەن ءوزىم بالا كەزىمنەن جاقتىرمايتىن الەكساند تسوي (ساشا، ايىپ ەتپەڭىز) ءبولىسىپتى. ونىڭ «دينارا» دەگەن ءانى ۇيدە دە، كوشەدە دە، مەكتەپتە دە قىر سوڭىمنان قالمايتىن».

  

قازىر الەۋمەتتىك جەلىلەردە، اسىرەسە Instagram-دا، وسىنداي سۋرەتتەر قاپتاپ كەتتى.