قانات بوزىمبايەۆ اعاشتى نەگىزسىز كەسكەندى ايامايتىنىن ەسكەرتتى

استانا. قازاقپارات - پاۆلودار وبلىسىنىڭ اكىمى قانات بوزىمبايەۆ جەلەزين اۋدانىندا جۇمىس ساپارىمەن بولىپ قايتتى.
None
None

بۇل تۋرالى اكىمدىكتىڭ باسپا ءسوز قىزمەتى حابارلادى.

ساپار بارىسىندا ايماق باسشىسى «پاحار» ش ق ج ش س جانە «سترويبيورەسۋرس» ج ش س اگروقالاشىعىن ارالاپ قايتتى.

«پاحار» ش ق ج ش س «8200 گەكتار القاپ سۋارمالى ەگىندىك جەرگە قىزمەت كورسەتۋگە ارنالعان اگروقالاشىق پەن وندىرىستىك- تۇرعىن ءۇي كەشەنى، 4500 باس قارا مالعا ارنالعان رەپرودۋكتور، 9000 باس ەتتىك قارا مالعا ارنالعان بورداقىلاۋ الاڭى قۇرىلىسى» ينۆەستيتسيالىق جوباسىن ىسكە اسىرۋدا.

قازىرگى ۋاقىتتا جوبانىڭ 80 پايىزى ورىندالعان.

«سترويبيورەسۋرس» ج ش س- نىڭ نەگىزگى قىزمەتى - اعاشتى دايىنداۋ جانە كەسۋ، اعاشتى كەپتىرۋ جانە دايىن ءونىمدى (قايىڭ تاقتايى، پاركەت، جيھازعا ارنالعان اعاش، جيھاز قالقانى جانە ت. ب. ) قايتا وڭدەۋ.

كاسىپورىن ءۋاليحانوۆ اۋىلىندا اعاش وڭدەۋ كەشەنىن سالۋ بويىنشا ينۆەستيتسيالىق جوبانى ىسكە اسىرۋدا. اتالمىش كەشەن جىلىنا 42 مىڭ كۋبومەترگە دەيىن اعاشتى كۇردەلى وڭدەۋ قۋاتىنا يە. نىساننىڭ جالپى قۇنى 300 ميلليون تەڭگەدەن استام قاراجاتتى قۇرايدى.

كاسىپورىندى ارالاپ شىققان ايماق باسشىسى ق. بوزىمبايەۆ «سترويبيورەسۋرس» ج ش س باسشىلىعىنا ورمان اعاشى كەسىلگەندە، تۇرعىندار تاراپىنان ورماننىڭ ساقتالۋى جونىندە ءبىرقاتار ساۋالدار ورىن الۋ مۇمكىندىگىنە بايلانىستى قىزمەتتەرىن اشىق تۇردە جۇرگىزۋدى تاپسىردى.

- سىزدەرگە «بيزنەستىڭ جول كارتاسى-2020» باعدارلاماسى بويىنشا مەملەكەتتىك قولداۋ كورسەتىلدى. تەك زاڭ اياسىندا جۇمىس جاساۋ كەرەك، ەسكى اعاشتاردى كەسۋ سانيتارلىق كەسۋ بويىنشا جۇرگىزىلۋى ءتيىس. مەن سىزدەردى ەسكەرتەمىن، ەگەر جەرگىلىكتى ورماندى كوزسىز كەسە بەرسەڭدەر، قاتاڭ جازا قولدانامىن، - دەپ قاداپ ايتتى اكىم.

ودان باسقا، ايماق باسشىسى ق. بوزىمبايەۆ ورتاشا جوندەۋ جۇمىستارى جۇرگىزىلگەن 7,5 كم سوزىلعان «باشماچنوە - وزەرنوە» اۆتوجولىن تەكسەردى. جەلەزين اۋدانىنىڭ اكىمى ق. ءابۋشاحمانوۆقا «بيزنەستىڭ جول كارتاسى-2020» باعدارلاماسى بويىنشا جولداردى جاڭارتۋ جۇمىستارىن جالعاستىرۋدى، سونىمەن قاتار، جەرگىلىكتى ماڭىزى بار جولداردىڭ ساپاسىنا باسا نازار اۋدارۋدى تاپسىردى.

سوڭعى جاڭالىقتار