اتىراۋدا تۇرعىنداردان «دۋا الاستاماق» بولعان الاياق سوتتالدى

استانا. قازاقپارات - اتىراۋ قالاسىنىڭ №2 -سوتىندا «دۋانى الاستايمىن» دەگەن جەلەۋمەن تالايدى تاقىرعا وتىرعىزعان قۇلسارى قالاسىنىڭ تۇرعىنى ا. سۇلەيمەنوۆاعا قاتىستى قىلمىستىق ءىس قارالدى، دەپ حابارلايدى اتىراۋ وبلىستىق سوتىنىڭ باسپا ءسوز قىزمەتىنەن.
None
None

قىلمىستىق ءىس ماتەريالىندا انىقتالعانداي، سوتتالۋشى اتىراۋ قالاسىنا كەلىپ، ادامداردىڭ تاعدىرىن بولجاپ، سالىنعان دۋانى كەتىرەتىندىگى تۋرالى جارناما تاراتقان.

ول بوتەننىڭ مۇلكىن يەلەنۋ ماقساتىندا ادامداردى الداپ، ءتۇرلى قيتۇرقى ارەكەتتەرگە بارعان. ءبىر جابىرلەنۋشىنىڭ جۇمىس ورنى - دۇكەنىنە بارىپ، ۇيىنە دۋا سالىنعانىن ايتىپ، ودان قۇتىلۋدىڭ جولى الاستاۋ ەكەنىن، ول ءۇشىن اقشا تولەۋ قاجەتتىگىن ەسكەرتەدى. الاياقتىڭ دۋا تۋرالى اڭگىمەسىنە سەنگەن جابىرلەنۋشى ونىڭ قولىنا 62000 تەڭگەنى ۇستاتادى. وسىنداي جولمەن تاعى ەكى جابىرلەنۋشىنىڭ ماڭداي تەرىمەن تاپقان اقشالارىن قالتاسىنا باسادى.

ءمالىم بولعانداي، الاياق وسىنداي ارەكەتتەرى ءۇشىن بۇعان دەيىن ءبىر رەت سوتتى بولىپتى.

سوتتالۋشى ا. سۇلەيمەنوۆا قازاقستان رەسپۋبليكاسى قىلمىستىق كودەكسىنىڭ 190 -بابى 2 -بولىگىنىڭ 2 -تارماقشاسى بويىنشا كىنالى دەپ تانىلىپ، وعان الدىڭعى ۇكىمنىڭ جيىنتىعى بويىنشا 5  جىل 6 اي مەرزىمگە باس بوستاندىعىنان ايىرۋ جازاسى بەلگىلەندى.

ق ر ق ك 72 -بابىنىڭ 1 -بولىگى نەگىزىندە تاعايىندالعان جازانى وتەۋ بالالارى 14 جاسقا تولعانعا دەيىن - 5 جىلعا كەيىنگە قالدىرىلدى.

سوت ۇكىمى زاڭدى كۇشىنە ەنگەن جوق.

سوڭعى جاڭالىقتار