الماتىدا تاپانشامەن قوقان-لوققى كورسەتكەن كولىك جۇرگىزۋشىسى تۇتقىندالدى

بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.
جولدا ورىن العان جانجال تۋرالى بەينەبايان عالامتور جەلىسىندە بۇگىن پايدا بولدى. وندا ەكى اۆتواۋەسقوي اراسىنداعى ۇرىس- كەرىس تۇسىرىلگەن. ولاردىڭ ءبىرى ەكىنشىسىن سۋىق قارۋمەن قورقىتپاق بولعان.
«بۇل قىلمىس وتكەن سەنبى كۇنى رايىمبەك داڭعىلىندا بولدى. جانجال تۋرالى حابار جەتىسىمەن وقيعا ورنىنا جول- پاترۋلدىك پوليتسيا پولكىنىڭ قىزمەتكەرلەرى كەلىپ، كۇدىكتىلەردى ۇستادى. بەلگىلى بولعانىنداي، «ۆاز» اۆتوكولىگىنىڭ جۇرگىزۋشىسى وزىنە تيەسىلى تاپانشامەن ەكىنشى جۇرگىزۋشىگە قوقان- لوققى كورسەتكەن. ودان باسقا، تاپانشانىڭ سابىمەن جابىرلەنۋشىگە دەنە جاراقاتتارىن سالعان. بۇل دەرەك سول كۇنى ق ر ق ك 293-بابىنىڭ 3- تارماعى (بۇزاقىلىق) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. كۇدىكتى ءى ءى د ۋاقىتشا تەرگەۋ اباقتىسىنا توعىتىلدى»، - دەدى المالى اۋدانى ىشكى ىستەر باسقارماسىنىڭ باستىعى، پوليتسيا پولكوۆنيگى اسقار بولاتوۆ.
سونىمەن قاتار اۋداندىق ىشكى ىستەر باسقارماسىنداعىلار تاياۋ ۋاقىتتا بۇلتارتپاۋ شاراسىن قولدانۋ ءۇشىن سوتقا دەيىنگى تەرگەۋ بارىسىندا ۇستالعان ازاماتتىڭ ۇستىنەن سوت ءىسى جۇرگىزىلەتىنىن ايتتى.
اۆتور: جاپپاربەرگەن ايبوتا