20:11, 17 - تامىز 2015 | GMT +5
ءوز ءۇيىنىڭ اۋلاسىنا التى مەترلىك ستاليننىڭ ەسكەرتكىشىن ورناتتى
استانا. قازاقپارات - گرۋزيانىڭ باتىسىنداعى لەنتەحي قالاسىندا «ستالين» حالىقارالىق قوعامىنىڭ ءتوراعاسى گريگوري ونياني ءوز ءۇيىنىڭ اۋلاسىنا التى مەترلىك يوسيف دجۋگاشۆيليدىڭ ەسكەرتكىشىن ورناتتى.

ونىڭ ايتۋىنشا، ستالين ەسكەرتكىشى پوتي قالاسىنداعى ورتالىق الاڭدا تۇرعان. الايدا 1961 -جىلى ونى قۇلاتىپ، ءبىراق قيراتپاستان كومىپ تاستاعان ەكەن.
«مۇنى 1992 -جىلى تاۋىپ الدىم. سول ۋاقىتتان بەرى گرۋزيادا بيلىك ونى قوعامدىق ورىنعا ورناتۋعا رۇقسات بەرمەدى، سوندىقتان اۋلاما ورناتتىم. بۇل جەردە وعان ەشكىم تيىسپەيدى دەپ ويلايمىن»، - دەدى ول.