ءازىربايجان مەن قازاقستان اراسىن جالعايتىن عالامات كوپىر سالىنادى

قىتاي جاڭا قۇرىلىستى باستاۋعا نيەتتى ەكەندىكتەرىن بىلدىرگەن دەپ حابارلايدى الماتى تەلەارناسى «ىسكەرلەر ۋاقىتى» باعدارلاماسى.
قازىردىڭ وزىندە اسپان استى ەلى قازاقستان مەن ءازىربايجاندى بايلانىستىراتىن، كاسپي تەڭىزىن باسىپ وتەتىن كوپىر قۇرىلىسىنا دايىندىقتى باستاپ كەتكەن.
بۇگىندە قۇرلىقتىق ترانسماگيسترال ارقىلى قىتايدان ەۋرووداققا وتەتىن جۇك تاسىمالى تەڭىز جولىنان 100 ەسە از كورىنەدى. ءتىپتى، قىتايدان رەسەيگە وتەتىن تاۋارلار دا تەڭىز جولى ارقىلى جونەلتىلىپ جاتىر.
نەگىزگى لوگيستيكالىق ينۆەستيتسيالار دا «بيرمين ءدالىزىنىڭ» كومەگىمەن جۇرگىزىلەدى. ساناققا جۇگىنسەك، قازاقستان مەن قىتاي اراسىنداعى تاۋار اينالىمى 17 ميلليارد دوللاردان اسىپ جىعىلادى.
«ارينە، قارجى داعدارىسىنان قۇتىلدىق دەپ ايتا المايمىز. ءالى جالعاسۋدا. دەسەك تە قىتاي حالىق رەسپۋبليكاسى مەن قازاقستان اراسىندا 17 ميلليارد دوللاردىڭ تاۋارى اينالعان. بۇل ۇلكەن جەتىستىك دەپ بىلەمىن. وسىنداي قارقىنمەن قوس مەملەكەت باسشىلارىنىڭ جۇكتەگەن تاپسىرماسى ورىندالادى، ياعني تاۋار اينالىمى كورسەتكىشى 40 ميلليارد دوللارعا جەتەتىن بولادى»، - دەدى الماتى قالاسى ق ح ر باس كونسۋلى جاڭ ۆەي.
قىتاي ديپلوماتىنىڭ ايتۋىنشا، باستاما ارقىلى ينفراقۇرىلىمدى دامىتۋ كوزدەلۋدە. اسىرەسە، قازاقستاننان قىتايدىڭ ليانيۋنگان، ءۇرىمجى جانە لانجوۋ قالالارىن بايلانىستىراتىن تەمىر جولدى توسەۋ جوسپارلانىپ وتىر.