قالتاسى قالىڭ الماتىلىقتار داعدارىستان قورىقپايتىنىن ايتتى

استانا. قازاقپارات - قالتاسى قالىڭ وتانداستارىمىز داعدارىستان قورىقپايدى.
None
None

ازىرگە ولاردىڭ ەرمەگى قىمبات تەمىر تۇلپار.

مامانداردىڭ دەرەگىنە سۇيەنسەك، برەندتىك كولىكتى تىزگىندەۋگە نيەتتى ەل ازاماتتارى رەسەيلىكتەردى شاڭ قاپتىرىپتى.

قىسىلتاياڭ كەزەڭگە قاراماستان وتانداستارىمىزدىڭ قىمبات كولىك تىزگىندەۋگە دەگەن قۇلشىنىسى ارتىپ وتىر.

«بۇل ءۇردىس 2020 -جىلعا قاراي تاعى دا 9 پايىزعا ارتادى»، - دەيدى ساراپشىلار. ال ەكونوميكاسى مىعىم امەريكا مەن ەۋروپادا بۇل كورسەتكىش نەبارى 2 پايىز عانا.

دەمەك، برەندتىك كولىكتەرگە دەگەن سۇرانىس جوعارى. قازىردىڭ وزىندە 250 جۋىق «Bentley» وتاندىق جۇرگىزۋشىلەر ەنشىسىندە.

«مۇنداي ليۋكس-كولىككە قولى جەتكەندەردىڭ ودان وزگە 4-5 تەمىر تۇلپارى بولادى»، - دەيدى ماماندار. ونىڭ ۇستىنە بۇگىندە ادامدار جيعان- تەرگەنىن جاسىرۋعا اسىقپايدى.

«بۇگىندە قىمبات برەندتىك اۆتوكولىكتەر الدەقايدا قولجەتىمدى. وعان ەكى جاعداي اسەر ەتۋدە. ءبىرىنشى - رەسەي تاراپى تەمىر تۇلپارلار باعاسىن ءتۇسىردى. ەكىنشى - تانىمال كومپانيالار كولىك تۇرلەرىن كوپتەپ شىعارۋدا. وسى رەتتە، قازاقستاندىقتاردىڭ تىزگىندەپ جۇرگەن كولىكتەرىنە قاراپ- اق، ەلدەگى حال- احۋالدى اڭعارۋعا بولادى. وعان قوسا، توي- تومالاققا دا قازاق ەلى قارجىلارىن ۇنەمدەپ جاتقان جوق»، - دەدى كاسىپكەر بەيبىت الىبەكوۆ.

الەمدىك داعدارىس الماتىداعى باي- قۋاتتىلاردىڭ قالتاسىن جۇقارتپاعان سىڭايلى. جوعارى دەڭگەيدەگى قىزمەتتى پايدالاناتىنداردىڭ باسىم بولىگى الماتى تۇرعىندارى. ال ەلوردالىقتاردىڭ ۇلەسى نەبارى 5 پايىز.

«كوپتەگەن تانىمال كومپانيالار داعدارىس كەزىندە تۇتىنۋشىلارىن جىبەرىپ الماۋعا بارىن سالادى. دامۋشى مەملەكەتتەردە ليۋكس قىزمەت ءتۇرى قارقىندى وسەتىندىگى ءسوزسىز. وسى رەتتە، بيزنەستىڭ ورداسى سانالاتىن الماتىدا بۇل قىزمەت ءتۇرىن پايدالاناتىندار باسىم بولادى. ال الداعى 2 -جىلدىڭ ىشىندە استانا قالاسىندا ليۋكستىق قوناق ۇيلەردىڭ سانى قاپتايتىنى ءسوزسىز»، - دەدى كاسىپكەر بەيبىت الىبەكوۆ.

ايتكەنمەن، «ەلىمىزدەگى جوعارى كلاسقا جاتاتىن دۇكەندەردەگى تاۋار ساپاسىن شەتەلدىكىمەن سالىستىرۋعا مۇلدەم كەلمەيدى»، - دەيدى ساراپشىلار.

اشىعىن ايتقاندا "VIP- شوپينگ" مادەنيەتى قالىپتاسىپ ۇلگەرمەگەن. برەندتىك ونىمدەردى ساۋدالايتىن ورىنداردىڭ ارتۋى وتاندىق كاسىپكەرلەردىڭ عانا ەمەس، باتىس ەۋروپا مەن ا ق ش- تىڭ دا بيزنەسمەندەرىنە ءتيىمدى.

دەرەككوز: الماتى تەلەارناسى

سوڭعى جاڭالىقتار